ဝက်စ်ဟမ်းအသင်းဟာ ယူရိုပါကွန်းဖရန့်စ်လိဂ်ဆီမီးဖိုင်နယ် ဒုတိယအကျော့ပွဲစဉ်မှာ AZ အယ်လ်ခမာအသင်းကို အနိုင်ရပြီးနောက် ၁၉၇၆ နောက်ပိုင်း ပထမဆုံးအကြိမ် ဥရောပဖလားဗိုလ်လုပွဲတက်နိုင်ခဲ့တာဖြစ်ပါတယ်။
ဒုတိယအကျော့အဖြစ် ဒတ်ချ်အိမ်ကွင်းမှာ ကစားခဲ့တဲ့ပွဲမှာ ဝက်စ်ဟမ်းအသင်းက ပါဘလိုဖော်နယ်လ်ရဲ့နာကျင်အချိန်ပိုမှာ သွင်းယူတဲ့ ဂိုးကြောင့် ၁ ဂိုး- ဂိုးမရှိနဲ့ အနိုင်ရရှိခဲ့ပါတယ်။ဝက်စ်ဟမ်းအသင်းဟာ ပထမအကျော့က ၂ ဂိုး- ၁ ဂိုးနဲ့ အနိုင်ရထားတာကြောင့် နှစ်ကျော့ပေါင်းရလဒ် ၃ ဂိုး- ၁ ဂိုးနဲ့ ဗိုလ်လုပွဲတက်နိုင်ခဲ့တာပါ။
ဝက်စ်ဟမ်းအသင်းဟာ ဗိုလ်လုပွဲအဖြစ် ဘေဆဲလ်အသင်းကို အချိန်ပိုမှာ အနိုင်ရခဲ့တဲ့ ဖီအိုရင်တီးနားအသင်းနဲ့ ယှဉ်ပြိုင်ရမှာဖြစ်ပါတယ်။ဝက်စ်ဟမ်းအသင်းဟာ ၁၉၈၀ က အက်ဖ်အေဖလားရပြီးနောက်ပိုင်း ပထမဆုံးအဓိကဆုဖလားရယူနိုင်ဖို့ မျှော်လင့်နေတာပါ။
ဝက်စ်ဟမ်းအသင်းဟာ ဥရောပဗိုလ်လုပွဲ နောက်ဆုံးတက်နိုင်ခဲ့တာက ၁၉၇၅-၇၆ Cup Winner Cup ဗိုလ်လုပွဲဖြစ်ပြီး အဲ့ဒီတုန်းက အန်ဒါလတ်ချ်ကို အရေးနိမ့်ခဲ့တာဖြစ်ပါတယ်။ဝက်စ်ဟမ်းအသင်းဟာ ပြီးခဲ့တဲ့နှစ်က ယူရိုပါလိဂ်ဆီမီးဖိုင်နယ်တက်ခဲ့ပေမယ့် ဖရန့်ဖတ်ကို အရေးနိမ့်ခဲ့တာပါ။
ဝက်စ်ဟမ်းအသင်းဟာ ဒီတစ်ပတ်ပရီးမီးယားလိဂ်ပွဲစဉ်အဖြစ် လိဒ်စ်အသင်းနဲ့ ယှဉ်ပြိုင်ရမှာဖြစ်ပါတယ်။