ရိုးမားအသင်းဟာ ယူရိုပါလိဂ်ပြိုင်ပွဲစတင်ကတည်းက ပါဝင်ယှဉ်ပြိုင်ခဲ့တဲ့အသင်းတွေထဲမှာ ကျန်ရှိတော့တဲ့ တစ်သင်းတည်းသောအသင်းဖြစ်လို့ အသင်းက ယူရိုပါလိဂ်ဖလားကို ရရှိပြီးသားဖြစ်တယ်လို့ နည်းပြ မော်ရင်ဟိုက ပြောခဲ့ပါတယ်။
မော်ရင်ဟိုဟာ အရင်ကတည်းက ယူရိုပါလိဂ်ပြိုင်ပွဲမှာ ချန်ပီယံလိဂ်ကနေ ဆင်းလာတဲ့ အသင်းတွေပါဝင်ယှဉ်ပြိုင်တာကို ဝေဖန်ထားတာဖြစ်ပြီး အခုလည်း လေဗာကူဆင်နဲ့ ဆီမီးဖိုင်နယ် ဒုတိယအကျော့ပွဲအတွက် ပွဲကြိုသတင်းစာရှင်းလင်းပွဲမှာ ထပ်ပြီးပြောခဲ့တာပါ။
မော်ရင်ဟိုက “ကျွန်တော်သာ အနိုင်ရဖို့အတွက် ကြိုးစားဖို့ ရည်မှန်းချက်မရှိရင် ယူရိုပါလိဂ်ဖလားကို ရရှိပြီလို့ ပြောဖို့က ကျွန်တော့်အတွက် အလွန်လွယ်ကူသွားပါလိမ့်မယ်။ဘာကြောင့်လဲဆိုရင် ယူရိုပါလိဂ်ပြိုင်ပွဲက ဒီပြိုင်ပွဲကို စတင်ခဲ့တဲ့ အသင်းတွေအတွက်ဆိုရင် ရိုးမားက အနိုင်ရသွားပါပြီ”
“ဒါပေမယ့် ဒါက သီအိုရီသာရှိပြီး၊ ကျွန်တော်တို့ရဲ့ ရည်မှန်းချက်က အနိုင်ရဖို့ပါ။လေဗာကူဆင်အသင်းကို လေးစားပေမယ့် ယူရိုပါလိဂ်မှာ ကစားဖို့ တည်ဆောက်ထားတဲ့ အသင်းအတွက် ပိုပြီးတန်ဖိုးရှိပါတယ်။ချန်ပီယံလိဂ်အုပ်စုအဆင့်မှာ ကစားဖို့ ရင်းနှီးမြှုပ်နှံထားတဲ့ အသင်းထက် ယူရိုပါလိဂ်မှာ ၁၄ ပွဲကစားထားပါတယ်”လို့ ဆိုခဲ့ပါတယ်။
ရိုးမားအသင်းဟာ အိမ်ကွင်းမှာ ကစားခဲ့တဲ့ ပထမအကျော့ပွဲစဉ်မှာ လေဗာကူဆင်အသင်းကို ၁ ဂိုး- ဂိုးမရှိနဲ့ အနိုင်ရထားတာဖြစ်ပါတယ်။
