ဘာစီလိုနာအသင်းနည်းပြ ဇာဗီက ဒီရာသီ ယူနိုက်တက်အသင်းအတွက် အကောင်းဆုံးပုံစံတွေပြသထားတဲ့ ရက်ရှ်ဖိုဒ့်ကို သတိထားဖို့ မနက်ဖြန်မနက်ပိုင်းမှာ ကစားမယ့် ယူရိုပါလိဂ်ပလေးအောဖ့်ပထမအကျော့ပွဲမတိုင်ခင် ပြောလိုက်ပါတယ်။
ရက်ရှ်ဖိုဒ့်ဟာ ဒီရာသီ နည်းပြ အဲရစ်တန်ဟတ်လက်အောက်မှာ တိုးတက်လာတဲ့ ကစားသမားဖြစ်ပြီး ပြိုင်ပွဲစုံ ၂၁ ဂိုးသွင်းယူထားတာပါ။ဒါ့အပြင် အင်္ဂလန်ကစားသမားဟာ ကမ္ဘာ့ဖလားအပြီးကစားခဲ့တဲ့ ၁၅ ပွဲမှာ ၁၃ ဂိုးအထိသွင်းယူထားတာဖြစ်ပါတယ်။
ဒီသွင်းနှုန်းဟာ ကမ္ဘာ့ဖလားပြီးနောက် ဥရောပမှာရှိတဲ့ ဘယ်ကစားသမားထက်မဆို ပိုမိုများပြားတဲ့ ဂိုးအရေအတွက်ဖြစ်ပါတယ်။အဲ့ဒါကြောင့် ဘာစီလိုနာနည်းပြ ဇာဗီက ရက်ရှ်ဖိုဒ့်ကို သတိထားဖို့ ပြောခဲ့တာပါ။
ဇာဗီက “အကူးအပြောင်းကာလမှာ သူဟာ အလွန်အန္တရာယ်များတဲ့သူပါ။ဒါကြောင့် သူတို့အားလုံးကို ဂရုစိုက်ဖို့လိုပေမယ့် အထူးသဖြင့် ရက်ရှ်ဖိုဒ့်ပါ။သူက အခု ဥရောပရဲ့အန္တရယ်အရှိဆုံးကစားသမားတွေထဲက တစ်ဦးပါ”လို့ ဆိုခဲ့ပါတယ်။
ဘာစီလိုနာအသင်းဟာ ဇာဗီလက်ထက် ဒီရာသီမှာ ခြေစွမ်းကောင်းတွေပြသနေပြီး ဒုတိယနေရာက ရီးရယ်လ်အသင်းကို ၈ မှတ်ဖြတ်ကာ လာလီဂါအမှတ်ပေးဇယားကို ဦးဆောင်နေတာဖြစ်ပါတယ်။