မန်စီးတီးအသင်းနည်းပြ ဂွာဒီယိုလာက ချန်ပီယံလိဂ်ပြိုင်ပွဲရဲ့အုပ်စုအဆင့်ကို ထိပ်ဆုံးနဲ့ အဆုံးသတ်နိုင်ဖို့ အရေးကြီးတယ်လို့ ပြောလိုက်ပါတယ်။
မန်စီးတီးနဲ့လိုက်ပ်ဇစ်အသင်းတို့ဟာ ချန်ပီယံလိဂ်ပြိုင်ပွဲရဲ့နောက်တစ်ဆင့်ကို တက်ရောက်နိုင်ခဲ့ပြီးဖြစ်ပြီး လက်ရှိအချိန်မှာ မန်စီးတီးအသင်းက ရာနှုန်းပြည့်နိုင်ပွဲနဲ့ လိုက်ပ်ဇစ်အသင်းထက် ၃ မှတ်အသာရကာ အုပ်စုတွင်းကို ဦးဆောင်နေတာဖြစ်ပါတယ်။
ဂွာဒီယိုလာက “ကျွန်တော်တို့ အနိုင်ရလဒ် ဒါမှမဟုတ် သရေရလဒ်ရယူရပါမယ်။ပထမအဆင့်က ၂ သင်းစလုံးပြီးသွားခဲ့ပြီဖြစ်လို့ လိုက်ပ်ဇစ်အသင်းကို ဂုဏ်ပြုပါတယ်။ပထမနဲ့ ပြီးဆုံးဖို့က အရေးကြီးပါတယ်။၁၆ သင်းအဆင့်ကို ကစားတဲ့အချိန်မှာတော့ ဒုတိယအကျော့ကို အိမ်ကွင်းမှာ ကစားဖို့က အဆုံးအဖြတ်မဟုတ်ပေမယ့် အားသာချက်ဖြစ်တဲ့အတွက် ဒါကို ရအောင်ယူရမယ်”လို့ ဆိုခဲ့ပါတယ်။
ဂရီလစ်ရှ်၊ မာသီးယက်နူနက်စ်နဲ့ကိုဗာဆစ်တို့ဟာ ဒီပွဲစဉ်ကို လွဲချော်ဖို့ရှိနေပြီး ဂျွန်စတုန်းစ်က မိနစ်အနည်းငယ်လောက်ပါဝင်နိုင်တယ်လို့ မန်စီးတီးအသင်းနည်းပြ ဂွာဒီယိုလာက ပြောထားပါတယ်။
