ပီအက်စ်ဂျီနည်ပြ လူးဝစ်အင်းနရစ်က နယူးကာဆယ်နဲ့ ချန်ပီယံလိဂ်ပွဲစဉ်ကို ဗိုလ်လုပွဲလို ချဉ်းကပ်သွားမယ်လို့ ပြောလိုက်ပါတယ်။
ချန်ပီယံလိဂ်ပွဲစဉ် ၄ ပွဲကစားပြီးချိန်မှာ အုပ်စု F က အသင်း ၄ သင်းစလုံးဟာ နောက်တစ်ဆင့်တက်ဖို့ အခွင့်အရေးကိုယ်စီရှိနေကြတာကြောင့် ပီအက်စ်ဂျီအသင်းနည်းပြက အိမ်ကွင်းအာသာချက်ကို အသုံးချသွားမယ်လို့ ဆိုခဲ့ပါတယ်။ပီအက်စ်ဂျီအသင်းဟာ နယူးကာဆယ်အသင်းအိမ်ကွင်းမှာ ကစားခဲ့တုန်းက နယူးကာဆယ်အသင်းကို ၄ ဂိုး-၁ ဂိုးနဲ့ အရေးနိမ့်ခဲ့တာဖြစ်ပါတယ်။
လူးဝစ်အင်းနရစ်က “ကျွန်တော်တို့ ဒီပွဲကို ဗိုလ်လုပွဲလိုကစားသွားမှာပါ။ဒီလိုအဆင့်မှာ အိမ်ကွင်းပွဲတွေ အဓိကကျပါတယ်။နယူးကာဆယ်အသင်းဟာ ရုပ်ပိုင်းဆိုင်ရာမှာ အလွန်သန်မာပါတယ်။ဖိအားလည်းပေးနိုင်ပြီး ပြင်းထန်မှုလည်းအများကြီးရှိပါတယ်။ကျွန်တော်တို့ဟာ ဒီပွဲအတွက်အဆင်သင့်ဖြစ်နေရပါမယ်”လို့ ဆိုခဲ့ပါတယ်။
ပီအက်စ်ဂျီအသင်းဟာ နောက်ဆုံးကစားခဲ့တဲ့ လီဂူးဝမ်း ၆ ပွဲစလုံးအနိုင်ရခဲ့ပေမယ့် အင်းနရစ်ကတော့ ဒါဟာ သူလိုချင်တဲ့ပုံစံမဟုတ်သေးဘဲ ကစားသမားတွေဆီကနေ ဒီထက်အများကြီးရစရာတွေရှိသေးတယ်လို့ ပြောခဲ့ပါတယ်။
