မန်စီးတီးအသင်းနည်းပြ ဂွာဒီယိုလာက ယန်းဘွိုင်းစ်အသင်းကို ၃ ဂိုး- ၁ ဂိုးနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်မှာ အသင်းအတွက် ၂ ဂိုးသွင်းယူနိုင်ခဲ့တဲ့ တိုက်စစ်မှူး ဟာလန်းဟာ ဘောလုံးကစားတဲ့ နောက်ဆုံးနေ့အထိ ဂိုးတွေသွင်းယူနေဦးမှာလို့ ပြောလိုက်ပါတယ်။
ဟာလန်းဟာ ချန်ပီယံလိဂ်ပြိုင်ပွဲမှာ ၅ ပွဲဆက်တိုက်ဂိုးပေါက်ပျောက်ဆုံးခဲ့တာကို ယန်းဘွိုင်းစ်အသင်းနဲ့ ပွဲမှာ အဆုံးသတ်နိုင်ခဲ့တာပါ။ဟာလန်းဟာ ဒီဂိုးတွေကြောင့် ကစားထားတဲ့ ချန်ပီယံလိဂ် ၃၃ ပွဲမှာ ၃၇ ဂိုးအထိသွင်းယူနိုင်ခဲ့တာဖြစ်ပါတယ်။
အဲ့ဒါကြောင့် နော်ဝေတိုက်စစ်မှူးဟာ ပီအက်စ်ဂျီအသင်းတိုက်စစ်မှူး ဘတ်ပီတင်ရှိထားတဲ့ ချန်ပီံယံလိဂ်ပြိုင်ပွဲမှာ ဂိုးအများဆုံးသွင်းယူထားတဲ့ အသက်အငယ်ဆုံးကစားသမားဆိုတဲ့ စံချိန်ကို သူက ရယူသွားခဲ့တာပါ။အသက် ၂၃ နှစ်အရွယ်ရှိဟာလန်းဟာ ဒီရာသီမှာ မန်စီးတီးအသင်းအတွက် ၁၄ ပွဲကစားအပြီးမှာ ၁၁ ဂိုးသွင်းယူထားတာဖြစ်ပါတယ်။
ဂွာဒီယိုလာက “လူတွေက ဟာလန်းကို ကျရှုံးစေချင်ပေမယ့် ဒီအတွက် ကျွန်တော်စိတ်မကောင်းဖြစ်မိပါတယ်။ဟာလန်းဟာ သူ့ဘဝတစ်လျှောက်လုံးဂိုးတွေသွင်းယူသွားမှာဖြစ်ပြီး အခွင့်အရေးတွေသာ ရခဲ့ရင် သူ့ရဲ့ခြိမ်းခြောက်မှုတွေက မယုံနိုင်စရာပါပဲ။သူဟာ ဘောလုံးကစားတဲ့ နောက်ဆုံးနေ့အထိ ဂိုးတွေသွင်းနေဦးမှာပါ”လို့ ဆိုခဲ့ပါတယ်။
