ဗယ်လ်ဗာဒီက မန်စီးတီးအသင်းနဲ့ ကစားရမယ့် ချန်ပီယံလိဂ်ဆီမီးဖိုင်နယ် ဒုတိယအကျော့မတိုင်ခင်မှာ ချန်ပီယံလိဂ်က ရီးရယ်လ်အသင်းရဲ့ ပြိုင်ပွဲလို့ပြောပြီး သတိပေးလိုက်ပါတယ်။
ဒီနှစ်သင်း ပထမအကျော့အဖြစ် ကစားခဲ့တုန်းက ၁ ဂိုးစီသရေကျခဲ့တာပါ။ရီးရယ်လ်အသင်းဟာ ပြီးခဲ့တဲ့ရာသီက ချန်ပီယံလိဂ်ပြိုင်ပွဲမှာ ဗိုလ်စွဲထားပြီး ချန်ပီယံဆုကို ၁၄ ကြိမ်အထိ ရယူထားကာ ပြိုင်ပွဲရဲ့ အအောင်မြင်ဆုံး အသင်းအဖြစ် ရှိနေတာဖြစ်ပါတယ်။
ဗယ်လ်ဗာဒီက “ချန်ပီယံလိဂ်မှာ ကစားရတာက ထူးခြားပါတယ်။ဘာကြောင့်လဲဆိုရင် ဒါက ရီးရယ်လ်အသင်းရဲ့ ပြိုင်ပွဲဖြစ်နေလို့ပါ။ဒါက တခြားပွဲတွေနဲ့ အမြဲတမ်းမတူပါဘူး။ထူးခြားတဲ့ အိပ်မက်တစ်ခုဖြစ်ခဲ့မယ်ဆိုရင် ခင်ဗျားဟာ မတူညီတဲ့ အငွေ့အသက်တွေ၊ မတူညီတဲ့ စွမ်းအင်တွေကို ရွေးလျားပြီး အရာအားလုံးလို ထင်ရပါတယ်”
“ဒါက ဥရောပကလပ်တွေမှာရှိတဲ့ ကစားသမားတိုင်း အနိုင်ရဖို့ စိတ်ကူးထားတဲ့ ပြိုင်ပွဲတစ်ခုပါ။ပရိသတ်တွေအတွက်တော့ ဒီပြိုင်ပွဲမှာ အနိုင်ရတာထက် ပိုပြီးလှတဲ့ အရာဆိုတာ မရှိပါဘူး။ဒါက ကလပ်အဆင့်မှာ အရေးပါတဲ့ ပြိုင်ပွဲဖြစ်လို့ပါ”လို့ ပြောခဲ့ပါတယ်။
ပထမအကျော့မှာ ၁ ဂိုးစီသရေကျခဲ့တာကြောင့် မန်ချက်စတာမှာ ကစားမယ့် ဒုတိယအကျော့ပွဲမှာတော့ ၂ သင်းစလုံးအတွက် နောက်တစ်ဆင့်တက်နိုင်မယ့် အခွင့်အရေးကိုယ်စီရှိနေတာဖြစ်ပါတယ်။
