အဂွေရိုက ရီးရယ်လ်အသင်းနဲ့ ၁ ဂိုးစီသရေကျတဲ့ပွဲမှာ တိုက်စစ်မှူး အယ်လ်ဗားရတ်ဇ်ကို အရန်ခုံမှာသာထားခဲ့တဲ့ မန်စီးတီးနည်းပြ ဂွာဒီယိုလာရဲ့ ဆုံးဖြတ်ချက်ကို ဝေဖန်ခဲ့တာဖြစ်ပါတယ်။
ချန်ပီယံလိဂ်ဆီမီးဖိုင်နယ်ပထမအကျော့အဖြစ် ကစားခဲ့တဲ့ ဒီပွဲမှာ မန်စီးတီးအသင်းနည်းပြ ဂွာဒီယိုလာဟာ တစ်ဦးမှ လူစားလဲခြင်းမရှိပဲ ယှဉ်ပြိုင်ကစားသွားခဲ့တာပါ။ဂွာဒီယိုလာဟာ အရန်ခုံပေါ်မှာ တိုက်စစ်ကစားသမားတွေဖြစ်တဲ့ ဖိုဒန်၊ မာရတ်ဇ်နဲ့ အယ်လ်ဗားရတ်ဇ်တို့ရှိပေမယ့် အပြောင်းအလဲ မလုပ်ခဲ့တာဖြစ်ပါတယ်။
မကြာသေးခင်က ပွဲတွေမှာ မန်စီးတီးအသင်းအတွက် အထင်ကြီးဖွယ်ခြေစွမ်းတွေ ပြသနိုင်ခဲ့တဲ့ အယ်လ်ဗားရတ်ဇ်ကို လူစားလဲအသုံးမပြုခဲ့တာကို အဂွေရိုက အံ့အားသင့်ခဲ့ပြီး ဂွာဒီယိုလာရဲ့ နည်းဗျူဟာကို မေးခွန်းထုတ်ခဲ့တာဖြစ်ပါတယ်။
အဂွေရိုက “ကျွန်တော်နားမလည်တာက ဂျူလီယန်ကို ဘာကြောင့် အသုံးမပြုလဲဆိုတာကိုပါ။ကျွန်တော်အံ့သြမိပါတယ်။ကျွန်တော်သာဆိုရင် သူ့ကိုတက်ကြွနေဖို့နဲ့ မီးတောက်တွေလို တောက်လောင်နေဖို့အတွက် ဂျူလီယန်ကို ပွဲတိုင်းလိုလို ကစားခိုင်းမှာပါ”လို့ ပြောခဲ့တာပါ။
မန်စီးတီးအသင်းမှာ ဟာလန်းရဲ့နောက် ဒုတိယဦးစားပေးအဖြစ်သာ သတ်မှတ်ခံထားရတဲ့ အယ်လ်ဗားရက်ဇ်ဟာ ဒီရာသီမှာ အသင်းအတွက် ၁၅ ဂိုးသွင်းယူထားတာဖြစ်ပါတယ်။