ရီးရယ်လ်အသင်းနဲ့ မန်စီးတီးအသင်းတို့ ကစားခဲ့တဲ့ ချန်ပီယံလိဂ်ဆီမီးဖိုင်နယ်ပွဲစဉ်မှာ ဒီဘရိုင်းသွင်းယူခဲ့တဲ့ ဂိုးမတိုင်ခင် စတည်ဆောက်ခဲ့တဲ့ ဘောလုံးကို ဘာနာဒိုဆေးလ်ဗားက ရယူခဲ့တဲ့ အချိန်မှာ ဘောလုံးဟာ ဘေးစည်းကျော်နေခဲ့တာဖြစ်ပြီး ဒါကို ဒိုင်လူကြီးက ဂိုးအဖြစ်သတ်မှတ်ပေးခဲ့တာဖြစ်ပါတယ်။
အန်ဆယ်လော့တီဟာ ဒီသွင်းဂိုးပေးခဲ့တဲ့အပေါ် ဒေါသထွက်နေပြီး ကွင်းလယ်ဒိုင်လူကြီးကို စောဒကတက်ခဲ့ရာမှာ အဝါကတ်ပြသခံခဲ့ရတာပါ။အီတလီလူမျိုးနည်းပြက ကွင်းလယ်ဒိုင်လူကြီးရဲ့ ဆုံးဖြတ်ချက်ကို မကျေနပ်တဲ့အကြောင်း ပွဲအပြီးမှာ ပြောခဲ့ပါတယ်။
အန်ဆယ်လော့တီက “ဒါက ရှင်းပါတယ်။ကျွန်တော်ပြောတာမဟုတ်ပါဘူး။နည်းပညာမှာ ဒါကို ပြောနေတာပါ။ဒါက ထူးဆန်တယ်လို့ထင်ပါတယ်။ဘာကြောင့် VAR ကို အသုံးမပြုခဲ့လဲဆိုတာကို ကျွန်တော်နားမလည်ပါဘူး။ဘာကြောင့် ကျွန်တော့်ကို အဝါကတ်ပြလဲဆိုတာ မသိပါဘူး”
“သူက ဒီအဝါကတ်ကို ကစားသမားကို ပေးရမှာပါ။နည်းပြကို မဟုတ်ပါဘူး။ဒီပွဲမှာ ကျွန်တော်တို့က အနိုင်ရဖို့ထိုက်တန်ပါတယ်”လို့ ပြောခဲ့တာဖြစ်ပါတယ်။
၂ သင်းစလုံးဟာ လာမယ့် ပြည်တွင်းပွဲစဉ်တွေအဖြစ် မန်စီးတီးက အဲဗာတန်၊ရီးရယ်လ်က ဂီတာဖေးအသင်းနဲ့ ယှဉ်ပြိုင်ရမှာဖြစ်ပါတယ်။