ပီအက်စ်ဂျီအသင်းကို ၄ ဂိုး-၁ ဂိုးနဲ့ ဂိုးပြတ်အနိုင်ရခဲ့တဲ့ ချန်ပီယံလိဂ်ပွဲစဉ်မှာ နယူးကာဆယ်အသင်းအတွက် ဂိုးသွင်းယူနိုင်ခဲ့တဲ့ ဒန်ဘန်းက သူ့ကို အိပ်မက်ကနေ လာနိုးပေးကြပါလို့ ပြောလိုက်ပါတယ်။
ဆယ်ကျော်သက်ကစားသမားဘဝက နယူးကာဆယ်အသင်းမှာ ကစားခဲ့ပြီး ၂၀၂၂ မှာ ဘရိုက်တန်အသင်းကနေ နယူးကာဆယ်အသင်းထံ ပြန်ရောက်ရှိလာခဲ့တဲ့ ဒန်ဘန်းဟာ ကစားသမားဘ၀ ပထမဆုံးကစားခဲ့ရတဲ့ ချန်ပီယံလိဂ်ပြိုင်ပွဲမှာ ပထမဆုံးသွင်းဂိုးကို ရယူနိုင်ခဲ့တာ ဖြစ်ပါတယ်။
ဒန်ဘန်းက “ကျွန်တော့်ကစားသမားဘဝက အတက်အကျကြမ်းပါတယ်။ အသက် ၂၅ နှစ်အရွယ်မှာ ဖူလ်ဟမ်ကနေ ထွက်ခွာခဲ့ပြီးနောက် အခုလို ချန်ပီယံလိဂ်မှာ ကစားရဖို့ အိပ်မက်မက်နေသလိုပါပဲ။ကျွန်တော်ဟာ တစ်စုံတစ်ဦးက အိပ်မက်ကနေ လာနိုးပေးဖို့ စောင့်ဆိုင်းနေတာပါ”လို့ ဆိုခဲ့ပါတယ်။
ဒီပွဲမှာ နယူးကာဆယ်အသင်းအတွက် ဂိုးသွင်းယူနိုင်ခဲ့တဲ့ လောင်းစတပ်ကလည်း သူနဲ့ ဘန်ဒန်းအတွက်ကတော့ ဒီလိုညမှာ ဂိုးသွင်းနိုင်ခဲ့ပြီး အိပ်မက်မက်နေသလိုပါပဲလို့ ပြောခဲ့ပါတယ်။နယူးကာဆယ်အသင်းဟာ ချန်ပီယံလိဂ်ပြိုင်ပွဲမှာ အုပ်စုကျပ်ထဲကျရောက်နေလို့ အခက်တွေ့နိုင်တယ်လို့ သုံးသပ်နေကြပေမယ့် ၂ ပွဲကစားအပြီးမှာ ရမှတ် ၄ မှတ်အထိ ရယူထားနိုင်ခဲ့တာပါ။
နယူးကာဆယ်အသင်းဟာ လာမယ့် ပရီးမီးယားလိဂ်ပွဲစဉ်အဖြစ် ဝက်စ်ဟမ်းအသင်းနဲ့ ယှဉ်ပြိုင်ရမှာဖြစ်ပါတယ်။
