ဘိုင်ယန်မြူးနစ်အသင်းနည်းပြ တူချယ်လ်ဟာ အသင်းရဲ့အပြောင်းအရွှေ့ပစ်မှတ်ဖြစ်တဲ့ ဒီကလန်ရိုက်စ်ကို ခေါ်ယူနိုင်ဖို့အတွက် ကစားသမားကို ဖုန်းဆက်ပြီး ဆက်သွယ်မှုတွေပြုလုပ်ခဲ့တယ်လို့ သိရပါတယ်။
အခုနွေရာသီအပြောင်းအရွှေ့မှာ ဝက်စ်ဟမ်းအသင်းကနေ ထွက်ခွာမယ့် ဒီကလန်ရိုက်စ်ကို ခေါ်ယူဖို့ ယူနိုက်တက်၊ ချယ်လ်ဆီး၊ အာဆင်နယ်တို့က စိတ်ဝင်စားနေကြပြီး ဘိုင်ယန်မြူးနစ်အသင်းက သူတို့ထက် လက်ဦးမှုရယူပြီး ခေါ်ယူနိုင်အောင် လုပ်ဆောင်နေတာဖြစ်ပါတယ်။
အာဆင်နယ်အသင်းက အင်္ဂလန်ကစားသမားကို ခေါ်ယူနိုင်မယ်လို့ သတင်းတွေထွက်နေပေမယ့် ဘိုင်ယန်မြူးနစ်အသင်းဟာ ဝက်စ်ဟမ်းအသင်းကို ပေါင်(၉၅)သန်းပေးပြီး ကမ်းလှမ်းဖို့ ရှိနေတာပါ။တူချယ်လ်ဟာ ဒီကလန်ရိုက်စ်ကို ချယ်လ်ဆီးအသင်းကို ကိုင်တွယ်ချိန်ကတည်းက သဘောကျနေတာဖြစ်ပါတယ်။
ဒီကလန်ရိုက်စ်ကတော့ အင်္ဂလန်မှာ ဆက်ပြီးရှိနေချင်ပေမယ့် ဆုဖလားတွေရယူနိုင်မယ့် အခွင့်အရေးအတွက် ကြီးမားတဲ့ အသင်းကို ပြောင်းရွှေ့ချင်နေတာကြောင့် ဘိုင်ယန်မြူးနစ်အသင်းဟာ အင်္ဂလန်ကစားသမား သွားနိုင်တဲ့ အသင်းအဖြစ်ရှိနေတာပါ။
ဒီကလန်ရိုက်စ်ကတော့ လက်ရှိအချိန်မှာ ဝက်စ်ဟမ်းအသင်းနဲ့ ယူရိုပါကွန်းဖရန့်စ်လိဂ်ရယူနိုင်ဖို့ ပစ်မှတ်ထားနေတာဖြစ်ပါတယ်။ဝက်စ်ဟမ်းအသင်းဟာ ယူရိုပါကွန်းဖရန့်စ်လိဂ်ဗိုလ်လုပွဲအဖြစ် ဖီအိုရင်တီးနားအသင်းနဲ့ ယှဉ်ပြိုင်ရမှာဖြစ်ပါတယ်။
