ယူနီယံဘာလင်အသင်းရဲ့လက်ထောက်နည်းပြ မာရီအီတာဟာ ဘွန်ဒစ်လီဂါပြိုင်ပွဲကို ကိုင်တွယ်တဲ့ ပထမဆုံးအမျိုးသမီးနည်းပြအဖြစ်မှတ်တမ်းဝင်ခဲ့ပါတယ်။မာရီအီတာဟာ ဒမ်စတက်အသင်းကို အနိုင်ရခဲ့တဲ့ပွဲစဉ်မှာ ယူနီယံဘာလင်အသင်းကို နည်းပြအဖြစ်တာဝန်ယူခဲ့တာပါ။
မာရီအီတာဟာ ဒီရာသီအစပိုင်းမှာ ယူနီယံဘာလင်အသင်းရဲ့လက်ထောက်နည်းပြအဖြစ်ခန့်အပ်ခံရတာဖြစ်ပါတယ်။ယူနီယံဘာလင်အသင်းရဲ့နည်းပြ ဘာဂျီလ်ကာဟာ ပြီးခဲ့တဲ့ ဘိုင်ယန်မြူးနစ်အသင်းနဲ့ပွဲစဉ်မှာ ဘိုင်ယန်မြူးနစ်အသင်းကစားသမား ဆာနေးရဲ့မျက်နှာကို လက်နဲ့ တွန်းခဲ့တာကြောင့် ၃ ပွဲပယ်ပြစ်ဒဏ်ချမှတ်ခံခဲ့ရပါတယ်။
အဲ့ဒါကြောင့် မာရီအီတာဟာ ဒမ်စတက်အသင်းနဲ့ပွဲစဉ်မှာ ယူနီယံဘာလင်အသင်းကို ဦးဆောင်ကိုင်တွယ်ခဲ့ရတာပါ။ဒီပွဲမှာ ယူနီယံဘာလင်အသင်းဟာ ဒမ်စတက်အသင်းကို ၁ ဂိုး- ဂိုးမရှိနဲ့ အနိုင်ရရှိခဲ့တာဖြစ်ပါတယ်။မာရီအီတာဟာ လိုက်ပ်ဇစ်နဲ့မိန့်ဇ်အသင်းတို့ရဲ့ပွဲစဉ်တွေမှာလည်း ယူနီယံဘာလင်အသင်းကို ဆက်ပြီးကိုင်တွယ်ရဦးမှာပါ။
ဒီရာသီမှာ ပထမဆုံးအကြိမ်ချန်ပီယံလိဂ်ဝင်ခွင့်ရခဲ့တဲ့ ယူနီယံဘာလင်အသင်းဟာ ရလဒ်ဆိုးတွေကြောင့် ချန်ပီယံလိဂ်အုပ်စုအဆင့်ကနေ ထွက်ခွာခဲ့ရသလို ဘွန်ဒစ်လီဂါပြိုင်ပွဲမှာလည်း အဆင့် ၁၅ နေရာမှာ ရပ်တည်နေတာဖြစ်ပါတယ်။
