ဒေါ့မွန်အသင်းဟာ ဒီမနက်ပိုင်းက ကစားခဲ့တဲ့ ဘွန်ဒစ်လီဂါပွဲစဉ်မှာ ဘိုချန်အသင်းနဲ့ ၁ ဂိုးစီသရေကျသွားခဲ့ပါတယ်။
ပွဲချိန် ၇ မိနစ်မှာတင် ၁ ဂိုးစီသရေကျခဲ့ပြီးနောက် နှစ်သင်းစလုံးဟာ သွင်းဂိုးတွေထပ်ပြီး မသွင်းယူနိုင်တော့တာပါ။ဒေါ့မွန်အသင်းဟာ ဒီပွဲမှာ ဂိုးပေါက်ကန်သွင်းမှုနဲ့ ဂိုးပေါက်တည့်မှုအများအပြားရှိခဲ့ပေမယ့် သရေတစ်မှတ်သာရခဲ့တာဖြစ်ပါတယ်။
ဒေါ့မွန်အသင်းဟာ ဒီရလဒ်ကြောင့် ဒုတိယနေရာက ဘိုင်ယန်မြူးနစ်အသင်းကို ၂ မှတ်အသာနဲ့ ဆက်လက်ဦးဆောင်နေခဲ့ပါတယ်။ဒါပေမယ့် လာမယ့်ပွဲမှာ ဘိုင်ယန်မြူးနစ်ကသာ အနိုင်ရခဲ့ရင်တော့ ဒေါ့မွန်အသင်းဟာ အဆင့် ၂ နေရာကို ပြန်ရောက်သွားမှာပါ။
ဒေါ့မွန်အသင်းဟာ ဘိုင်ယန်ရဲ့ရလဒ်ဆိုးတွေကြောင့် အမှတ်ပေးချန်ပီယံဆုကို ရယူနိုင်ဖို့ မျှော်လင့်ချက်ရှိလာခဲ့ပေမယ့် အခုအချိန်မှာတော့ ဒီအခွင့်အရေးအတွက် ဘိုင်ယန်ရဲ့ရလဒ်ကို ပြန်စောင့်ကြည့်ရတော့မှာဖြစ်ပါတယ်။
ဘိုင်ယန်မြူးနစ်အသင်းဟာ မနက်ဖြန်မှာ ဘွန်ဒစ်လီဂါပွဲစဉ်အဖြစ် ဟာသာဘာလင်အသင်းနဲ့ ယှဉ်ပြိုင်ရမှာဖြစ်ပါတယ်။
