ဟာရီကိန်းဟာ ဘိုင်ယန်မြူးနစ်အသင်းက ကိုလုံးအသင်းကို ၁ ဂိုး- ဂိုးမရှိနဲ့ အနိုင်ရရှိခဲ့တဲ့ ဘွန်ဒစ်လီဂါပွဲစဉ်မှာ အသင်းအတွက် တစ်လုံးတည်းသောဂိုးသွင်းယူခဲ့ပြီး ဘွန်ဒစ်လီဂါထိပ်ဆုံးနေရာကို ပို့ဆောင်ပေးခဲ့ပါတယ်။
ဟာရီကိန်းဟာ ဒီပွဲက သွင်းဂိုးခဲ့တဲ့ဂိုးကြောင့် ဒီရာသီ ဘွန်ဒစ်လီဂါပွဲစှဉ် ၁၂ ပွဲကစားအပြီးမှာ ၁၈ ဂိုးအထိ သွင်းယူထားနိုင်ခဲ့တာပါ။အဲ့ဒါကြောင့် ဟာရီကိန်းဟာ ဘွန်ဒစ်လီဂါတစ်ရာသီအတွင်း သွင်းဂိုး ၁၈ ဂိုးသွင်းယူနိုင်တဲ့ ပထမဆုံးအင်္ဂလန်ကစားသမားအဖြစ် မှတ်တမ်းဝင်ခဲ့ပါတယ်။
ဒါ့အပြင် ဟာရီကိန်းဟာ ဘွန်ဒစ်လီဂါအဖွင့်ပွဲစဉ် ၁၂ ပွဲမှာ ၁၈ ဂိုးအထိသွင်းယူနိုင်ခဲ့တဲ့ ပထမဆုံးကစားသမားအဖြစ်လည်း စံချိန်တင်နိုင်ခဲ့တာပါ။ ပြီးခဲ့တဲ့နွေရာသီက စပါးအသင်းကနေ ရောက်ရှိလာခဲ့တဲ့ ဟာရီကိန်းဟာ ဘိုင်ယန်မြူးနစ်အသင်းအတွက် ၁၇ ပွဲကစားအပြီးမှာ ၂၂ ဂိုးအထိ သွင်းယူနိုင်ခဲ့တာဖြစ်ပါတယ်။
ဘိုင်ယန်မြူးနစ်အသင်းဟာ ကိုလုံးအသင်းကို အနိုင်ရခဲ့တဲ့အတွက် လေဗာကူဆင်အသင်းထက် ၁ ပွဲပိုကစားထားပြီး ရမှတ် ၁ မှတ်အသာနဲ့ ဘွန်ဒစ်လီဂါအမှတ်ပေးဇယားကို ဦးဆောင်ထားတာဖြစ်ပါတယ်။
