ဘိုင်ယန်မြူးနစ်အသင်းနည်းပြသစ်ဖြစ်လာတဲ့ တူချယ်လ်ကတော့ အသင်းနဲ့ ပထမဆုံးအကြိမ်ပြုလုပ်ခဲ့တဲ့ သတင်းစာရှင်းလင်းပွဲမှာ ဒီရာသီရယူနိုင်ဖို့ရှိနေတဲ့ ဆုဖလားအားလုံးကို ရယူသွားမယ်လို့ ပြောခဲ့ပါတယ်။
ဘိုင်ယန်မြူးနစ်အသင်းဟာ ဘွန်ဒစ်လီဂါပြိုင်ပွဲမှာ ဒေါ့မွန်အသင်းရဲ့နောက် ဒုတိယနေရာမှာရပ်တည်ပြီးနောက် နည်းပြ နာဂျယ်လ်စမန်းကို ထုတ်ပယ်ပြီး အသင်းကိုင်တွယ်ခြင်းမရှိသေးတဲ့ တူချယ်လ်ကို နည်းပြသစ်အဖြစ်ခန့်အပ်ခဲ့တာပါ။ဘိုင်ယန်မြူးနစ်အသင်းဟာ တူချယ်လ်ကို ၂၀၂၅ အထိစာချုပ်ချုပ်ဆိုခဲ့ပါတယ်။
တူချယ်လ်က “အရာတွေက မြန်ဆန်ခဲ့ပါတယ်။အချိန်က အံဩစရာဖြစ်ပြီး၊ဒါကို မမျှော်လင့်ထားပါဘူး။ကြိုပြီးလည်း အဆက်အသွယ်မရှိခဲ့ပါဘူး။ကျွန်တော်ဟာ နိုင်ငံရပ်ခြားမှာ အလုပ်ဆက်လုပ်ရမယ်လို့ မျှော်လင့်ခဲ့တာပါ”
“ဘိုင်ယန်ရဲ့ကမ်းလှမ်းမှုကို မြန်မြန်ဆန်ဆန်ပဲလက်ခံခဲ့ပါတယ်။ဘိုင်ယန်ရဲ့DNA က အောင်ပွဲခံဖို့ပါ။ဒါကြောင့် ဒီရာသီမှာ ဆုဖလားအားလုံးကို ရယူနိုင်မယ်ဆိုတာ သေချာပါတယ်”လို့ ပြောခဲ့တာပါ။
တူချယ်လ်ရဲ့ဘိုင်ယန်မြူးနစ်နည်းပြဘ၀ ပထမဆုံးပွဲစဉ်ကတော့ ဧပြီလ ၁ ရက်မှာကစားရမယ့် အသင်းဟောင်း ဒေါ့မွန်အသင်းနဲ့ ဘွန်ဒစ်လီဂါပွဲစဉ်ဖြစ်ပါတယ်။