ဘိုင်ယန်မြူးနစ်အသင်းဟာ နည်းပြတူချယ်လ်လက်ထက်မှာ ရုန်းကန်နေရပြီး နောက်ဆုံးကစားခဲ့တဲ့ ဘွန်ဒစ်လီဂါပွဲစဉ်မှာ မိန့်ဇ်အသင်းကို ၃ ဂိုး- ၁ ဂိုးနဲ့ အရေးနိမ့်ခဲ့တာဖြစ်ပါတယ်။
နာဂျယ်လ်စမန်းရဲ့နေရာမှာအစားထိုးဝင်ရောက်လာတဲ့ တူချယ်လ်ရဲ့လက်ထက်မှာ ဘိုင်ယန်မြူးနစ်အသင်းဟာ ဆိုးရွားတဲ့ ရလဒ်တွေကြုံတွေ့နေရပြီး သူ့လက်ထဲမှာ ဂျာမန်ကလပ်ဟာ ၃ ပွဲမြောက်ရှုံးပွဲကြုံတွေ့ခဲ့တာဖြစ်ပါတယ်။ဒီရလဒ်ကြောင့် ဒေါ့မွန်အသင်းဟာ ဘိုင်ယန်မြူးနစ်လက်ထဲကနေ အမှတ်ပေးဇယားထိပ်ဆုံးနေရာကို ပြန်လည်ရယူသွားခဲ့ပါတယ်။
တူချယ်လ်က “ကျွန်တော်တို့ဟာ ဒီရာသီမှာ ပွဲပေါင်း ၈၀ ကစားထားပြီးတဲ့ အသင်းလိုပါပဲ။ကျွန်တော်တို့ဟာ အပြစ်ကင်းစင်တဲ့ ဘောလုံးကို မကစားနိုင်တော့ပါဘူး။ပွဲတွေနဲ့ ရမှတ်တွေက သဲတွေလို ကျွန်တော်တို့ရဲ့လက်ထဲမှာ ပြေးနေပါတယ်”လို့ ဆိုခဲ့တာဖြစ်ပါတယ်။
ဘိုင်ယန်မြူးနစ်အသင်းဟာ တူချယ်လ်လက်ထက်မှာ ဆုဖလား ၂ လုံးကနေ ထွက်ခွာခဲ့ရသလို ဘွန်ဒစ်လီဂါမှာလည်း ဒုတိယနေရာကို ရောက်ရှိသွားခဲ့တာပါ။ဒါ့အပြင် မာနေးနဲ့ ဆာနေးတို့ဖြစ်ခဲ့တဲ့ ဖြစ်ရပ်တွေကိုလည်း တူချယ်လ်ကြုံတွေ့ခဲ့ရတာဖြစ်ပါတယ်။
ဘိုင်ယန်မြူးနစ်အသင်းဟာ လာမယ့် ဘွန်ဒစ်လီဂါပွဲစဉ်အဖြစ် ဖရန့်ဖတ်အသင်းနဲ့ ယှဉ်ပြိုင်ရမှာဖြစ်ပါတယ်။
