ဒေါ့မွန်အသင်းဟာ မနေ့ညက ကစားခဲ့တဲ့ ဘွန်ဒစ်လီဂါပွဲစဉ်မှာ အော့စ်ဘတ်အသင်းကို ၃ ဂိုး- ဂိုးမရှိနဲ့ အနိုင်ရရှိသွားခဲ့ပါတယ်။
ပထမပိုင်းမှာ ဂိုးမရှိသရေကျနေခဲ့ပေမယ့် တစ်ယောက်အသာနဲ့ ကစားခဲ့ရတဲ့ ဒေါ့မွန်အသင်းအတွက် ဂိုးတွေကို ဒုတိယပိုင်းမှာ ဟော်လာက ၂ ဂိုးနဲ့ ဘရန့်ဒ်က ၁ ဂိုးသွင်းယူခဲ့တာပါ။
ဒီပွဲအနိုင်ရလဒ်ကြောင့် ဒေါ့မွန်အသင်းဟာ ဘိုင်ယန်မြူးနစ်အသင်းကို ၂ မှတ်အသာနဲ့ ဘွန်ဒစ်လီဂါ အမှတ်ပေးဇယားကို ဦးဆောင်နိုင်ခဲ့ပြီဖြစ်ပါတယ်။ဘိုင်ယန်မြူးနစ်အသင်းဟာ လိုက်ပ်ဇစ်အသင်းကို အရေးနိမ့်ခဲ့တဲ့အပေါ် ဒေါ့မွန်အသင်းက အခွင့်အရေးအပြည့်အဝ အသုံးချနိုင်ခဲ့တာပါ။
ဒေါ့မွန်အသင်းဟာ နောက်ဆုံးပွဲအဖြစ် ကစားမယ့် မိန့်ဇ်အသင်းနဲ့ ပွဲမှာ အနိုင်ရရှိတာနဲ့ ၂၀၁၁-၁၂ ရာသီနောက်ပိုင်း ဘွန်ဒစ်လီဂါဖလားကို ပထမဆုံးအကြိမ်ရရှိတော့မှာပါ။
ဘိုင်ယန်မြူးနစ်ကတော့ ၁၁ နှစ်ဆက်ရရှိထားတဲ့ ဘွန်ဒစ်လီဂါဖလားကို အခုနှစ်ရာသီမှာ လက်လွှတ်ရဖို့ နီးစပ်လာခဲ့ပြီဖြစ်ပါတယ်။