ဘိုင်ယန်မြူးနစ်အသင်းဟာ အိမ်ကွင်းမှာ ကစားခဲ့တဲ့ ဘွန်ဒစ်လီဂါပွဲစဉ်မှာ လိုက်ပ်ဇစ်အသင်းကို ၃ ဂိုး- ၁ ဂိုးနဲ့ အရေးနိမ့်သွားခဲ့ပါတယ်။
ဘိုင်ယန်မြူးနစ်အသင်းဟာ ဂနာဘရီရဲ့ဂိုးနဲ့ ဦးဆောင်နိုင်ခဲ့ပေမယ့် လိုင်မာ၊ အန်ကန်ကူနဲ့ ဆာဇိုဘိုစလိုင်းတို့က ချေပဂိုးနဲ့ အနိုင်ဂိုးတွေသွင်းယူပေးခဲ့တာကြောင့် လိုက်ပ်ဇစ်အသင်း အနိုင်ရရှိသွားခဲ့တာဖြစ်ပါတယ်။
ဘိုင်ယန်မြူးနစ်အသင်းဟာ ဒီပွဲအရေးနိမ့်ခဲ့တာကြောင့် လက်ကျန်ပွဲ ၁ ပွဲပဲကစားဖို့ကျန်ရှိတော့တဲ့အချိန်မှာ အဆင့် ၁ နေရာက ဒေါ့မွန်အသင်းကို ၁ မှတ်သာဖြတ်ထားနိုင်ခဲ့တာပါ။ဒီနေ့ညမှာ ကစားမယ့်ပွဲမှာ ဒေါ့မွန်အသင်းအနိုင်ရခဲ့ရင် ဘွန်ဒစ်လီဂါ အမှတ်ပေးဇယားကို ပြန်လည်ဦးဆောင်ခွင့်ရသွားမှာ ဖြစ်ပါတယ်။
ဒေါ့မွန်အသင်းအနေနဲ့ ဒီညမှာ ကစားမယ့် အော့စ်ဘတ်စ်အသင်းနဲ့ ပွဲမှာ အနိုင်ရခဲ့ရင် ၂၀၁၂ နောက်ပိုင်း ဘွန်ဒစ်လီဂါပြိုင်ပွဲမှာ ပထမဆုံးအကြိမ် ချန်ပီယံဆုကို ရယူနိုင်တော့မှာပါ။ဒါ့အပြင် ဘိုင်ယန်အသင်းရဲ့၁၁ နှစ်ဆက်တိုက်ဆုဖလားရယူမှုကိုလည်း အဆုံးသတ်နိုင်မှာဖြစ်ပါတယ်။
ဘိုင်ယန်မြူးနစ်ကို အနိုင်ရခဲ့တဲ့ လိုက်ပ်ဇစ်အသင်းကတော့ လာမယ့်နှစ်ရာသီ ချန်ပီယံလိဂ်ဝင်ခွင့်ဖြစ်တဲ့ အဆင့် ၃နေရာကို ရယူနိုင်ခဲ့ပြီလည်းဖြစ်ပါတယ်။
