ဘိုင်ယန်မြူးနစ်အသင်းဟာ ဘိုချန်အသင်းကို ၃ ဂိုး-၂ ဂိုးနဲ့ အရေးနိမ့်ပြီး ပြိုင်ပွဲစုံ ၃ ပွဲဆက်ရှုံးပွဲကြုံတွေ့ခဲ့ရပေမယ့် နည်းပြ တူချယ်လ်ကို ထုတ်ပယ်သွားဦးမှာမဟုတ်ဘူးလို့ အသင်းရဲ့CEOံ အတည်ပြုခဲ့ပါတယ်။
ဘိုင်ယန်မြူးနစ်အသင်းဟာ ဘိုချန်အသင်းကို အရေးနိမ့်ခဲ့တာကြောင့် ဘွန်ဒစ်လီဂါအမှတ်ပေးဇယားထိပ်ဆုံးနေရာမှာ ရပ်တည်နေတဲ့ လေဗာကူဆင်အသင်းနဲ့ ၈ မှတ်အကွာ ဒုတိယနေရာမှာရပ်တည်နေတာပါ။ဒီရှုံးပွဲကြောင့် နည်းပြတူချယ်လ်ဟာ ရာထူးက ထုတ်ပယ်ခံရမယ့် ဖိအားတွေပိုပြီးတိုးလာခဲ့တာဖြစ်ပါတယ်။
ဒါပေမယ့် ဘိုင်ယန်မြူးနစ်အသင်း CEO ဒရီးဆန်က”ထွက်ပေါ်နေတဲ့ သတင်းတွေက အမှိုက်တွေလို့ခံစားရပါတယ်။နည်းပြနဲ့ ပတ်သက်ပြီးကြီးကြီးမားမားပြောဆိုတဲ့အရာတွေကို ကျနော်မယုံပါဘူး။ဒီကိစ္စက အခု ကျနော်တို့ရဲ့စိတ်ထဲမှာမရှိပါဘူး။လာမယ့်ပွဲကို သူကိုင်တွယ်မှာပါ”လို့ ဆိုခဲ့ပါတယ်။
တူချယ်လ်ကလည်း ဘိုင်ယန်မြူးနစ်အသင်းနည်းပြ ရာထူးက နုတ်ထွက်သွားမှာမဟုတ်ဘဲ ရလဒ်ကောင်းတွေပြန်လည်ရရှိအောင် တိုက်ပွဲဝင်သွားမယ်လို့ဆုံးဖြတ်ခဲ့တာဖြစ်ပါတယ်။ဘိုင်ယန်မြူးနစ်အသင်းဟာ လာမယ့်ဘွန်ဒစ်လီဂါပွဲစဉ်အဖြစ် လိုက်ပ်ဇစ်အသင်းနဲ့ ယှဉ်ပြိုင်ရမှာဖြစ်ပါတယ်။
