ဘိုင်ယန်မြူးနစ်အသင်းက ဝါဒါဘရီမင်အသင်းကို ၄ ဂိုး- ဂိုးမရှိနဲ့ ဂိုးပြတ်အနိုင်ရခဲ့တဲ့ ဘွန်ဒစ်လီဂါပွဲစဉ်မှာ တိုက်စစ်မှူးသစ် ဟာရီကိန်းဟာ ခြေစွမ်းပြသနိုင်ခဲ့ပြီး ၁ ဂိုးသွင်း ၁ ဂိုးဖန်တီးနိုင်ခဲ့ပါတယ်။
ဘိုင်ယန်မြူးနစ်အတွက် ပွဲထွက်ခွင့်ရခဲ့တဲ့ ဟာရီကိန်းဟာ ပွဲအစ ၄ မိနစ်မှာ ဆာနေးသွင်းယူတဲ့ဂိုးကို ဖန်တီးပေးနိုင်ခဲ့ပြီး အယ်လ်ဖွန်ဆိုဒေးဗီးစ်ရဲ့ဖန်တီးပေးမှုကို ပွဲချိန် ၇၄ မိနစ်မှာ အဆုံးသတ်နိုင်ခဲ့တာပါ။အဲ့ဒါကြောင့် ဟာရီကိန်းဟာ ဘိုင်ယန်မြူးနစ်ကစားသမားဘ၀ ပထမဆုံးသွင်းဂိုးကို ရယူနိုင်ခဲ့တာဖြစ်ပါတယ်။
ဘိုင်ယန်မြူးနစ်အတွက်နောက်ထပ်ဂိုးတွေကို ဆာနေးနဲ့ တဲလ်တို့က သွင်းယူခဲ့ပြီး ဘွန်ဒစ်လီဂါအဖွင့်ပွဲစဉ်မှာ ၃ မှတ်စတင်ရရှိသွားခဲ့ပါတယ်။ဟာရီကိန်းက “ကျွန်တော်အနည်းငယ်စိတ်လှုပ်ရှားနေခဲ့ပေမယ့် ပွဲအစပိုင်းမှာတင် သွင်းဂိုးနဲ့ စတင်နိုင်ခဲ့ပါတယ်”
“ကွင်းထဲမှာတော့ ကျွန်တော့်ဗီဇက အမြဲတမ်းလွှမ်းမိုးနေပြီး သွင်းဂိုးရယူနိုင်ခဲ့ပါတယ်”လို့ဆိုခဲ့ပါတယ်။ဟာရီကိန်းဟာ ဒီပွဲမှာ ပွဲချိန် ၈၄ မိနစ်အထိ ဝင်ရောက်ကစားသွားခဲ့တာဖြစ်ပါတယ်။
ဘိုင်ယန်မြူးနစ်အသင်းဟာ လာမယ့်အပတ်မှာ အော့စ်ဘတ်အသင်းနဲ့ ဘွန်ဒစ်လီဂါပွဲစဉ်ယှဉ်ပြိုင်ရမှာဖြစ်ပါတယ်။
