လေဗာကူဆင်အသင်းဟာ မနေ့က ကစားခဲ့တဲ့ ဘွန်ဒစ်လီဂါပွဲစဉ်မှာ ဟီဒန်ဟိမ်းအသင်းကို ၂ ဂိုး-၁ ဂိုးနဲ့ အနိုင်ရပြီးနောက် ဘိုင်ယန်မြူးနစ်အသင်းရဲ့ရှုံးပွဲမရှိစံချိန်နဲ့ တူညီသွားခဲ့ပြီဖြစ်ပါတယ်။
ဒီရာသီမှာ အံ့အားသင့်ဖွယ်ပုံစံကောင်းတွေပြသနေတဲ့ လေဗာကူဆင်အသင်းဟာ ဟီဒန်ဟိမ်းအသင်းကို အနိုင်ရရှိခဲ့တာကြောင့် ဒီရာသီပြိုင်ပွဲစုံ ၃၂ ပွဲဆက်တိုက်ရှုံးပွဲမရှိတာဖြစ်ပြီး ၂၀၂၀ ခုနှစ်က ဘိုင်ယန်မြူးနစ်အသင်းရဲ့စံချိန်နဲ့ တူညီသွားခဲ့ပြီဖြစ်တာပါ။အဲ့ဒါကြောင့် လေဗာကူဆင်အသင်းအနေနဲ့ လာမယ့်ပွဲစဉ်မှာသာ ရှုံးပွဲမရှိအောင် ကစားနိုင်ရင် စံချိန်သစ်တင်နိုင်တော့မှာဖြစ်ပါတယ်။
လေဗာကူဆင်အသင်းဟာ ဒီနိုင်ပွဲကြောင့် ဘိုင်ယန်မြူးနစ်အသင်း ၁ ပွဲကစားဖို့ ကျန်ရှိနေသေးချိန်မှာ ဘိုင်ယန်မြူးနစ်အသင်းကို ၈ မှတ်အထိဖြတ်ထားနိုင်ခဲ့တာပါ။ဘိုင်ယန်မြူးနစ်အသင်းဟာ ၁၉၉၃ ဂျာမန်ဖလားရရှိပြီးနောက် ဆုဖလားအောင်မြင်မှုတွေနဲ့ ဝေးကွာခဲ့တာကို ဒီရာသီမှာ အဆုံးသတ်နိုင်ဖို့ ပစ်မှတ်ထားနေတာဖြစ်ပါတယ်။
လေဗာကူဆင်အသင်းဟာ လာမယ့်အပတ်မှာ ဘွန်ဒစ်လီဂါပွဲစဉ်အဖြစ် ဘိုချန်အသင်းနဲ့ ယှဉ်ပြိုင်ရမှာဖြစ်ပါတယ်။
