ဟာရီကိန်းဟာ ဘိုင်ယန်မြူးနစ်အသင်းက ဟော်ဖန်ဟိမ်းအသင်းကို ၃ ဂိုး- ဂိုးမရှိနဲ့ အနိုင်ရရှိခဲ့တဲ့ ဘွန်ဒစ်လီဂါပွဲစဉ်မှာ ဂိုးသွင်းယူပြီးနောက် ဘိုင်ယန်မြူးနစ်အသင်းတိုက်စစ်မှူးဟောင်း လီဝန်ဒေါစကီးရဲ့စံချိန်နဲ့ တူညီသွားခဲ့ပါတယ်။
ပြီးခဲ့တဲ့နွေရာသီကမှ စပါးအသင်းကနေ ရောက်ရှိလာတဲ့ ဟာရီကိန်းဟာ ဘွန်ဒစ်လီဂါပြိုင်ပွဲရဲ့ရာသီဝက်ပြီးဆုံးချိန်မှာ သွင်းဂိုး ၂၂ ဂိုးသွင်းယူထားတာပါ။အဲ့ဒါကြောင့် ဟာရီကိန်းဟာ ၂၀၂၀-၂၁ ရာသီရဲ့ရာသီဝက်မှာ လီဝန်ဒေါစကီးတင်ရှိထားတဲ့ ဘွန်ဒစ်လီဂါပြိုင်ပွဲရဲ့ရာသီဝက်ဂိုးသွင်းအများဆုံးကစားသမားစံချိန်နဲ့ တူညီသွားခဲ့တာဖြစ်ပါတယ်။
ဟာရီကိန်းအနေနဲ့ လက်ရှိဂိုးသွင်းနှုန်းကို ဆက်ထိန်းထားမယ်ဆိုရင် ဘွန်ဒစ်လီဂါတစ်ရာသီအတွင်း ဂိုးသွင်းအများဆုံးကစားသမားအဖြစ် စံချိန်တင်ထားတဲ့ လီဝန်ဒေါစကီးရဲ့စံချိန်ကို ထပ်ပြီးချိုးဖျက်ဖို့ ရှိနေတာပါ။ဟာရီကိန်းဟာ လက်ရှိအချိန်မှာ စပါးအသင်းအတွက် ပြိုင်ပွဲစုံ ၂၃ ပွဲကစားထားပြီး ၂၆ ဂိုးသွင်းယူထားတာဖြစ်ပါတယ်။
ဘိုင်ယန်မြူးနစ်အသင်းဟာ ဒီပွဲအနိုင်ရခဲ့ပေမယ့် ထိပ်ဆုံးနေရာက လေဗာကူဆင်အသင်းနဲ့ ၁ မှတ်အကွာ အဆင့် ၂ နေရာမှာ ရပ်တည်နေတာဖြစ်ပါတယ်။