ယူနိုက်တက်အသင်းကနေ ဒေ့ါမွန်အသင်းထံ အငှားနဲ့ ပြောင်းရွှေ့တော့မယ့် ဆန်ချိုဟာ ပိတ်ထားတဲ့ သူ့ရဲ့Instagram အကောင့်ကို ပြန်လည်အသက်သွင်းလိုက်ပြီဖြစ်ပါတယ်။
ဆန်ချိုဟာ ဒေါ့မွန်အသင်းထံ အငှားနဲ့ပြောင်းရွှေ့မှုကို အပြီးသတ်နိုင်ဖို့အတွက် ဂျာမနီကို ရောက်ရှိနေပြီလည်းဖြစ်ပါတယ်။ဆန်ချိုဟာ နည်းပြ အဲရစ်တန်ဟတ်နဲ့ အဆင်မပြေဖြစ်ပြီးကတည်းက သူ့ရဲ့အင်စတာဂရမ်အကောင့်ကို ပိတ်ထားခဲ့ပေမယ့် အခုအသင်းဟောင်းထံ ပြန်လည်ပြောင်းတော့မှာဖြစ်လို့ ပြန်လည်ဖွင့်ခဲ့တာပါ။
ဆန်ချိုဟာ သူ့ရဲ့အင်စတာဂရမ်အကောင့်မှာ ဒေါ့မွန်အသင်းဝတ်စုံနဲ့ ကစားနေတဲ့ပုံစံကိုပါ တင်ထားခဲ့တာဖြစ်ပါတယ်။ဆန်ချိုရဲ့အခုအပြောင်းအရွှေ့ဟာ အငှားအပြောင်းအရွှေ့သာဖြစ်ပြီး ရာသီကုန်ချိန်မှာတော့ ယူနိုက်တက်အသင်းထံ ပြန်လာရမှာပါ။ဆန်ချိုဟာ ဒေါ့မွန်အသင်းမှာ ပထမအကြိမ်ကစားခဲ့တုန်းက ခြေစွမ်းပြသနိုင်ခဲ့တာကြောင့် ဒီတစ်ကြိမ်မှာလည်း ခြေစွမ်းပြသနိုင်ဖို့ မျှော်လင့်နေပါတယ်။
ဆန်ချိုဟာ ပြီးခဲ့တဲ့သြဂုတ်လက နော်တင်ဟမ်ဖောရက်စ်အသင်းကို အနိုင်ရတဲ့ပွဲမှာ ယူနိုက်တက်အသင်းအတွက် နောက်ဆုံးပါဝင်ကစားပေးခဲ့တာဖြစ်ပြီး ဒီရာသီမှာ အသင်းအတွက် ၃ ပွဲသာ ကစားထားခဲ့ရတာဖြစ်ပါတယ်။