ဘိုင်ယန်မြူးနစ်အသင်းဟာ ဂျာမန်ပိုကယ်ဖလားပွဲစဉ်အဖြစ် ကစားခဲ့တဲ့ ပွဲစဉ်မှာ ဖရိုင်းဘတ်အသင်းကို နာကျင်အချိန်ပိုမှာ ပေးခဲ့ရတဲ့ ဂိုးကြောင့် ၂ ဂိုး- ၁ ဂိုးနဲ့ အရေးနိမ့်ပြီး ပြိုင်ပွဲကနေ ထွက်ခွာခဲ့ရပြီဖြစ်ပါတယ်။
ဘိုင်ယန်အသင်းဟာ ဒီပွဲမှာ အူပါမီကာနိုရဲ့သွင်းဂိုးနဲ့ ဦးဆောင်နိုင်ခဲ့ပေမယ့် ဟော့ဖ်လာက ပြန်ချေပခဲ့လို့ ပထမပိုင်းမှာ ၁ ဂိုးစီသရေကျခဲ့တာဖြစ်ပါတယ်။ဒုတိယပိုင်းမှာ ဘိုင်ယန်မြူးနစ်အသင်းက ဂိုးရဖို့အတွက် ဖိအားပေးပြီး ကြိုးစားခဲ့ပေယ့် နာကျင်အချိန်ပိုမှာ ဖရိုင်းဘတ်အသင်းကို အနိုင်ဂိုးပေးခဲ့ရတာပါ။
ဒီဂိုးကို ဟိုလာက မိနစ် ၉၀ ပြည့်ပြီး ၅ မိနစ်မှာ သွင်းယူသွားခဲ့တာဖြစ်ပါတယ်။ဒီရာသီမှာ ဆုဖလားအားလုံးရယူသွားမယ်လို့ ကြွေးကြော်ထားတဲ့ နည်းပြသစ်တူချယ်လ်ကတော့ ဖလား ၁ လုံးစတင်ဆုံးရှုံးခဲ့ရပြီဖြစ်ပါတယ်။တူချယ်လ်ဟာ အဖွင့်ပွဲမှာ ဒေါ့မွန်အသင်းကို ၄ ဂိုး- ၂ ဂိုးနဲ့ အနိုင်ရအောင် ကိုင်တွယ်နိုင်ခဲ့တာပါ။
ဒါပေမယ့်လည်း ဒုတိယမြောက်ပွဲမှာတော့ အသင်းလည်း ဖလားပြိုင်ပွဲကနေလည်း ထွက်ခဲ့ရတာပါ။အဲ့ဒါကြောင့် ဘိုင်ယန်မြူးနစ်အသင်းဟာ ချန်ပီယံလိဂ်နဲ့ ပိုကယ်ဖလားရယူနိုင်ဖို့ကိုသာ အာရုံစိုက်ပြီးကြိုးစားရတော့မှာလည်း ဖြစ်ပါတယ်။
ဘိုင်ယန်မြူးနစ်နဲ့ ဖရိုင်းဘတ်အသင်းတို့ဟာ ဒီတစ်ပတ်ဘွန်ဒစ်လီဂါမှာလည်း ထပ်မံတွေ့ဆုံကြရမှာဖြစ်ပါတယ်။
