နွေရာသီအပြောင်းအရွှေ့က လီဗာပူးလ်ကနေ ရောက်ရှိလာပြီးနောက် ခြေစွမ်းပြသနိုင်ဖို့ ရုန်းကန်နေရတဲ့ မာနေးအနေနဲ့ ဘိုင်ယန်မှာ သူ့ရဲ့အကောင်းဆုံးပုံစံကို ရှာဖွေတွေ့ရှိနိုင်မယ်လို့ နည်းပြ တူချယ်လ်က ယုံကြည်မှုရှိနေပါတယ်။
လီဗာပူးလ်အသင်းနဲ့ အောင်မြင်မှုအများအပြားရယူပြီးနောက် စိန်ခေါ်မှုအသစ်အတွက် ဘိုင်ယန်ကို ပြောင်းရွှေ့လာခဲ့တဲ့ မာနေးဟာ ၂၉ ပွဲကစားအပြီးမှာ ၁၁ ဂိုးသာသွင်းယူထားနိုင်ခဲ့တာပါ။မာနေးဟာ ဒဏ်ရာတွေကြောင့်အပါအ၀င် ပုံမှန်ခြေစွမ်းပြသနိုင်ဖို့ ခက်ခဲနေတာဖြစ်ပါတယ်။
မာနေးဟာ ဒဏ်ရာက ပြန်သက်သာလာပြီးနောက် ဖေဖော်ဝါရီလက ဘိုင်ယန်အတွက် ပြန်ကစားပေးနိုင်ခဲ့ပြီး ၅ ပွဲမှာ ၁ ဂိုးသာဖန်တီးနိုင်ခဲ့တာပါ။မာနေးဟာ တူချယ်လ်ရဲ့ပထမဆုံးပွဲဖြစ်တဲ့ ဘိုင်ယန်မြူးနစ်က ဒေါ့မွန်ကို ၄ ဂိုး- ၂ ဂိုးနဲ့ အနိုင်ရတဲ့ပွဲမှာလည်း လူစားဝင်ကစားသမားအဖြစ်သာ ပါဝင်နိုင်ခဲ့ပါတယ်။
တူချယ်လ်က “သူ့ကိူ အင်္ဂလန်မှာ ကျွန်တော်ကောင်းကောင်းသိပါတယ်။ဆာဒီယိုဟာ ထိပ်တန်းကစားသမားတစ်ဦးဆိုတာ မေးခွန်းထုတ်စရာမလိုပါဘူး။သူဟာ လီဗာပူးလ်အတွက် နှစ်တိုင်း ဂိုး ၂၀၊ ၃၀ လောက်သွင်းယူနေတာပါ။သူဟာ လီဗာပူးလ်မှာ အလွန်အရေးပါတဲ့ ကစားသမားဖြစ်ခဲ့ပါတယ်”
“သူ့ရဲ့အရည်အသွေးကို သံသယမရှိနိုင်ပါဘူး။ကလပ်အသင်းအပြောင်းအလဲပြုလုပ်ပြီးရင်တော့ လိုက်လျောညီထွေဖြစ်ဖို့ အချိန်ယူရပါတယ်။ဒါက အချိန်ကိုယူရပါတယ်။သူ့ရဲ့အရည်အသွေးနဲ့ သူယူဆောင်လာမယ့်အရာတွေကို သံသယမရှိပါဘူး။ဒါဟာ ယုံကြည်မှု၊စိတ်ရှည်မှုတွေနဲ့ ပတ်သက်တာကြောင့် သူဟာ ဒီရမ်သမ်ထဲကို ဝင်ရောက်လာနိုင်ပါတယ်”လို့ ပြောခဲ့ပါတယ်။