ဂျာမနီနဲ့ ဘိုင်ယန်မြူးနစ်ဝါရင့်ဂိုးသမား နူအာဟာ မျက်နှာမှာ အရေပြားကင်ဆာခံစားနေရပြီး ခွဲစိတ်မှု ၃ ကြိမ်ပြုလုပ်ခဲ့ရတယ်လို့ ပြောလိုက်ပါတယ်။
တင်းနစ်အကျော်အမော် ကာဘာနဲ့အတူ အသားအရေထိန်းသိမ်းမှုဆိုင်ရာ ထုတ်ကုန်အသစ်ကို မိတ်ဆက်ပြီးနောက် နူအာက သူ့ကြုံတွေ့ခဲ့ရတဲ့ ပြဿနာတွေကို ဖွင့်ဟခဲ့တာဖြစ်ပါတယ်။
နူအာက “ကျွန်တော်တို့ ၂ ဦးစလုံးဟာ အရေပြားရောဂါတွေနဲ့ ပက်သက်ပြီး ပုဂ္ဂိုလ်ရေးဆိုင်ရာ သမိုင်းကြောင်းတွေရှိပါတယ်။ကာဘာဆိုရင် နေရောင်ခြည်ကြောင့် ရောင်ရမ်းမှုတွေရှိခဲ့ပါတယ်”
“ကျွန်တော်က မျက်နှာမှာ အရေပြားကင်ဆာဖြစ်တာကြောင့် ၃ ကြိမ်လောက်ခွဲစိတ်ခဲ့ရပါတယ်”လို့ ဆိုခဲ့ပါတယ်။နူအာဟာ ဒေါ့မွန်အသင်းနဲ့ ပွဲပြီးကတည်းက ပခုံးဒဏ်ရာကြောင့် အနားယူနေခဲ့ရပြီး ပြန်ကစားနိုင်ဖွယ်ရှိနေပြီဖြစ်ပါတယ်။
နူအာရဲ့ဒဏ်ရာအခြေအနေဟာ ဂျာမနီအတွက် စိုးရိမ်စရာဖြစ်ပေမယ့် ဘိုင်ယန်နည်းပြ နာဂျယ်လ်စမန်းကတော့ ဂိုးသမားဟာ စနေနေ့ ဟာသာဘာလင်နဲ့ ကစားမယ့်ပွဲမှာ ပြန်လည်ပါဝင်မယ်လို့ အတည်ပြုခဲ့ပါတယ်။