ဘိုင်ယန်မြူးနစ်အသင်းဟာ ဒီမနက်က ကစားခဲ့တဲ့ ဘွန်ဒစ်လီဂါ ပွဲစဉ်မှာ လေဗာကူဆင်အသင်းကို ၄ ဂိုး- ဂိုးမရှိနဲ့ ဂိုးပြတ်အနိုင်ရရှိသွားခဲ့ပါတယ်။
ဘိုင်ယန်အတွက်ဂိုးတွေကို ဆာနေး၊ မူဆလီယာ၊ မာနေးနဲ့ မူလာတို့က သွင်းယူခဲ့တာပါ။ဘိုင်ယန်အသင်းဟာ ဒီပွဲမတိုင်ခင် ကစားခဲ့တဲ့ ဘွန်ဒစ်လီဂါ ၄ ပွဲမှာ နိုင်ပွဲပျောက်ဆုံးခဲ့တာကို လေဗာကူဆင်နဲ့ ပွဲမှာ အဆုံးသတ်ခဲ့တာဖြစ်ပါတယ်။
ဂိုးပေါက်ပျောက်ဆုံးနေလို့ ဝေဖန်မှုတွေ ခံနေရတဲ့ မာနေးကလည်း ဒီပွဲမှာ ဂိုးသွင်းပြီး ဖိအားဒဏ်တွေကို လျှော့ချနိုင်ခဲ့တာပါ။လူငယ်ကစားသမား မူဆလီယာကတော့ ဒီပွဲမှာ ၁ ဂိုးသွင်း ၂ ဂိုးဖန်တီးပြီး အကောင်းဆုံးကစားသမားဆုကို ရယူနိုင်ခဲ့ပါတယ်။
အသက် ၁၉ နှစ်အရွယ်သာ ရှိသေးတဲ့ မူဆလီယာဟာ ဒီရာသီ ဘိုင်ယန်မြူးနစ်အသင်းအတွက် ၇ ဂိုးသွင်းပြီး ၄ ဂိုးအထိဖန်တီးကာ ခြေစွမ်းပြသနေခဲ့တာပါ။
ဘိုင်ယန်အသင်းဟာ ဒီနိုင်ပွဲကြောင့် တစ်ပွဲပိုကစားပြီး အမှတ်ပေးဇယား ဒုတိယနေရာကို တက်လှမ်းနိုင်ခဲ့ပါတယ်။ဘိုင်ယန်အသင်းဟာ ကြားရက်မှာ ချန်ပီယံလိဂ်ပွဲစဉ်အဖြစ် ပလာဇန်အသင်းနဲ့ ယှဉ်ပြိုင်ရမှာ ဖြစ်ပါတယ်။
