ပီအက်စ်ဂျီဂိုးသမား ရီကိုဟာ မြင်းစီးရာမှာ မတော်တဆဖြစ်ပြီးနောက် အထူးကြပ်မတ်ကုသဆောင်မှာထားရှိထားပြီး ပြင်းထန်တဲ့အခြေအနေမှာရှိနေတယ်လို့ ကလပ်အသင်းက ပြောပါတယ်။
အသက် ၂၉ နှစ်အရွယ်ရှိ ရီကိုဟာ စပိန်နိုင်ငံ အယ်လ်ရိုဆီယိုဒေသမှာ မြင်းစီးနင်းခဲ့ရာမှာ ထွက်ပြေးသွားတဲ့ မြင်းတစ်ကောင်နဲ့ တိုက်မိပြီး ပြုတ်ကျသွားခဲ့တယ်လို့ ဒေသတွင်းမီဒီယာတွေက ဖော်ပြခဲ့ပါတယ်။သူ့ကို ဆီဗီးလ်ရှိဆေးရုံကို ရဟတ်ယာဉ်နဲ့ ပို့ဆောင်ခဲ့ရပါတယ်။
ရီကိုဟာ ပီအက်စ်ဂျီအသင်းက စထရာဘောင်းအသင်းနဲ့ သရေကျပြီး လီဂူးဝမ်းဖလားကို စံချိန်တင် ၁၁ ကြိမ်မြောက်ရယူနိုင်ခဲ့တဲပွဲစဉ်ရဲ့အရန်လူစာရင်းမှာပါဝင်ခဲ့ပါတယ်။အသင်းက အားလပ်ရက်ပေးတဲ့အချိန်မှာ ဇာတိဖြစ်တဲ့ စပိန်ကို ပြန်လာခဲ့တာဖြစ်ပါတယ်။
ပီအက်စ်ဂျီအသင်းရဲ့ပြောရေးဆိုခွင့်ရှိသူက ကစားသမားရဲ့အခြေအနေဟာ ပြင်းထန်တယ်လို့ ပြောခဲ့တာပါ။ရီကိုဟာ ၂၀၁၉ က ဆီဗီလာကနေ ပြောင်းရွှေ့လာပြီးကတည်းက ပီအက်စ်ဂျီအသင်းအတွက် ၂၉ ပွဲပါဝင်ကစားခဲ့တာဖြစ်ပါတယ်။
အသင်းဟောင်းကလည်း ရီကို အမြန်ဆုံးပြန်ကောင်းမွန်လာမှာပါလို့ ရေးသားကာ ဆုတောင်းပေးခဲ့တာဖြစ်ပါတယ်။
