ပီအက်စ်ဂျီအသင်းဟာ စထရာဘောင်းအသင်းနဲ့ ကစားခဲ့တဲ့ ပြင်သစ်လီဂူးဝမ်းပွဲစဉ်မှာ ၁ ဂိုးစီသရေကျခဲ့တာကြောင့် အခုနှစ်ရာသီ လီဂူးဝမ်းဆုဖလားကို ရယူနိုင်ဖို့ သေချာသွားခဲ့ပြီဖြစ်ပါတယ်။
ပြင်သစ်လီဂူးဝမ်းပြိုင်ပွဲရဲ့လက်ရှိချန်ပီယံဖြစ်တဲ့ ပီအက်စ်ဂျီအသင်းဟာ ဒီပွဲမှာ မက်ဆီရဲ့သွင်းဂိုးနဲ့ ဦးဆောင်နိုင်ခဲ့ပေမယ့် ဂါမီရိုးက ချေပဂိုးပြန်သွင်းခဲ့လို့ သရေကျခဲ့ပါတယ်။ဒီပွဲရလဒ်ဟာ ၂ သင်းစလုံးအတွက် အကျိုးရှိခဲ့ပါတယ်။
ပီအက်စ်ဂျီအသင်းဟာ လီဂူးဝမ်းချန်ပီယံဖြစ်ခဲ့ပြီး စထရာဘောင်းအသင်းက လာမယ့်ရာသီ လီဂူးဝမ်းမှာ ဆက်ရှိဖို့ သေချာသွားခဲ့တာပါ။ပီအက်စ်ဂျီအသင်းဟာ အခုတစ်ကြိမ်အပါအဝင် လီဂူးဝမ်းဖလားကို ၁၁ ကြိမ်မြောက်အဖြစ် ရယူနိုင်ခဲ့တာဖြစ်ပါတယ်။
ပီအက်စ်ဂျီနည်းပြ ဂယ်လ်တီယာကလည်း အသင်းမှာ နည်းပြရာထူးမသေချာပေမယ့် ပြင်သစ်ကလပ်ကို နောက်ဆုံး ၁၁ နှစ်အတွင်း လီဂူးဝမ်းဆုဖလား ၉ ကြိမ်ရယူနိုင်အောင် ကူညီပေးနိုင်ခဲ့တာပါ။
ဒီပွဲမှာ ပီအက်စ်ဂျီအတွက် ၁ ဂိုးသွင်းယူပေးနိုင်ခဲ့တဲ့ မက်ဆီဟာ အခုရာသီအကုန်မှာ ပြင်သစ်ကလပ်ကနေ ထွက်ခွာတော့မှာဖြစ်ပြီ ဒီဖလားဟာ ပီအက်စ်ဂျီအသင်းနဲ့ နောက်ဆုံးရယူခဲ့တဲ့ ဆုဖလားလည်းဖြစ်ခဲ့ပါတယ်။ပ