မက်ဆီဟာ မာဆေးလ်အသင်းကို အနိုင်ရခဲ့တဲ့ လီဂူးဝမ်းပွဲစဉ်မှာ ပီအက်စ်ဂျီအသင်းအတွက် ဂိုးသွင်းယူပေးပြီးနောက် ကလပ်ကစားသမားဘ၀ သွင်းဂိုး ၇၀၀ ပြည့်သွားခဲ့တာဖြစ်ပါတယ်။
ပီအက်စ်ဂျီအသင်းက မာဆေးလ်အသင်းကို ၃ ဂိုး- ဂိုးမရှိနဲ့ အနိုင်ရခဲ့တဲ့ပွဲမှာ မက်ဆီက ၁ ဂိုးသွင်းပြီး၊ ဘတ်ပီက ၂ ဂိုးသွင်းယူခဲ့တာပါ။
အဲ့ဒါကြောင့် မက်ဆီဟာ ရော်နယ်ဒိုနောက် ဥရောပထိပ်တန်း ၅ လိဂ်မှာ သွင်းဂိုး ၇၀၀ ပြည့် ဒုတိယမြောက်ကစားသမားအဖြစ် မှတ်တမ်းတင်နိုင်ခဲ့တာဖြစ်ပါတယ်။
မက်ဆီဟာ အသင်းဟောင်း ဘာစီလိုနာအသင်းအတွက် ၆၇၂ ဂိုးသွင်းယူနိုင်ခဲ့ပြီး၊ ပီအက်စ်ဂျီအတွက် ၂၈ ဂိုးသွင်းယူကာ အခုလို သမိုင်းမှတ်တိုင်တစ်ခုကို စိုက်ထူနိုင်ခဲ့တာပါ။
မက်ဆီဟာ ဒီရာသီမှာ ပီအက်စ်ဂျီအသင်းအတွက် ခြေစွမ်းပြသနေတာဖြစ်ပြီး ပြိုင်ပွဲစုံ ၂၈ ပွဲမှာ ၁၇ ဂိုးအထိသွင်းယူခဲ့တာဖြစ်ပါတယ်။
ပီအက်စ်ဂျီအသင်းကလည်း ဒီနိုင်ပွဲကြောင့် လီဂူးဝမ်းအမှတ်ပေးဇယားကို ၈ မှတ်ဖြတ်ပြီး ဦးဆောင်ထားနိုင်ခဲ့တာဖြစ်ပြီး လာမယ့်အပတ်မှာတော့ နန့်တက်စ်အသင်းနဲ့ ပြင်သစ်လီဂူးဝမ်းပွဲစဉ်ယှဉ်ပြိုင်ရမှာဖြစ်ပါတယ်။