မက်ဆီကတော့ ပီအက်စ်ဂျီအသင်းက အေဂျက်စီယိုအသင်းကို ၃ ဂိုး- ဂိုးမရှိနဲ့ အနိုင်ရခဲ့တဲ့ပွဲမှာ ခြေစွမ်းပြပြီး အသင်းသွင်းယူခဲ့တဲ့ ၃ ဂိုးစလုံးမှာ ပါဝင်ပတ်သက်ခဲ့တာဖြစ်ပါတယ်။
မက်ဆီဟာ ဒီပွဲမှာ ဘတ်ပီသွင်းယူခဲ့တဲ့ ၂ ဂိုးကို ဖန်တီးခဲ့သလို သူကိုယ်တိုင်လည်း ၁ ဂိုးသွင်းယူခဲ့တာဖြစ်ပါတယ်။ပြီးခဲ့တဲ့ရာသီက ရုန်းကန်ခဲ့ရတဲ့ မက်ဆီဟာ ဒီရာသီမှာတော့ အရင်မက်ဆီဆိုတဲ့ ပုံစံကို ပြန်ရနေတာကိုလည်း မြင်တွေ့ခဲ့ရတာပါ။
မက်ဆီဟာ ဒီပွဲမှာ သွင်းယူခဲ့တဲ့ ဂိုးဆိုရင် ဘတ်ပီနဲ့တွဲဖက်ပြီး ပြိုင်ဘက် ဂိုးသမားကို အနီးကပ်လိမ်ခေါက်ကာ လှပတဲ့ဂိုးသွင်းယူခဲ့တာဖြစ်ပါတယ်။မက်ဆီဟာ ဒီရာသီ ၁၇ ပွဲကစားအပြီးမှာ ၁၃ ဂိုးသွင်းယူကာ ၁၀ ဂိုးအထိ ဖန်တီးထားနိုင်ခဲ့တာပါ။
မက်ဆီဟာ ဒီရာသီမှာ ပီအက်စ်ဂျီအတွက် ခြေစွမ်းပြသနေပြီး စက်တင်ဘာလအတွက် လီဂူးဝမ်းရဲ့တစ်လတာအကောင်းဆုံးကစားသမား အဖြစ်လည်း ရွေးချယ်ခံခဲ့ရတာဖြစ်ပါတယ်။
ပီအက်စ်ဂျီအသင်းကလည်း ဒီနိုင်ပွဲကြောင့် ဒုတိယနေရာက လော်ရီးယန့်အသင်းကို ၆ မှတ်အသာရပြီး ပြင်သစ်လီဂူးဝမ်း အမှတ်ပေးဇယားကို ဦးဆောင်နေတာဖြစ်ပါတယ်။