ပီအက်စ်ဂျီအသင်းဟာ ဒီမနက်ပိုင်းက ကစားခဲ့တဲ့ ပြင်သစ်လီဂူးဝမ်းပွဲစဉ်မှာ အန်ဂါးစ်အသင်းကို ၂ ဂိုး-၁ ဂိုးနဲ့ အနိုင်ယူပြီးနောက် ဒီရာသီ လီဂူးဝမ်းဖလားကို ကိုင်မြှောက်နိုင်ဖို့ နီးစပ်လာခဲ့ပြီဖြစ်ပါတယ်။
ဒီပွဲမှာ ပီအက်စ်ဂျီအတွက် ၂ ဂိုးစလုံးကို ဘတ်ပီက သွင်းယူခဲ့တာဖြစ်ပြီး အန်ဂါးစ်အတွက် ချေပဂိုးကို ပွဲပြီးကာနီးမှာ သီအော့ဘ်က သွင်းယူခဲ့တာပါ။ဘတ်ပီဟာ ဒီပွဲမှာ သွင်းယူခဲ့တဲ့ ဂိုးတွေကြောင့် ဒီရာသီ လီဂူးဝမ်းသွင်းဂိုး ၂၂ ဂိုးအထိ ရှိလာခဲ့ပြီ ဖြစ်ပါတယ်။
ဒါ့အပြင် ဘတ်ပီဟာ ဒီရာသီ ပီအက်စ်ဂျီအသင်းအတွက် ပြိုင်ပွဲစုံသွင်းဂိုး ၃၇ ပွဲမှာ ၃၄ ဂိုးအထိ သွင်းယူထားနိုင်ခဲ့ပါတယ်။ဒီပွဲမှာ ဘတ်ပီသွင်းယူတဲ့ဂိုးကို ဖန်တီးပေးနိုင်ခဲ့တဲ့ မက်ဆီဟာ ဒီရာသီမှာ ပြင်သစ်ကလပ်အတွက် ဂိုးဖန်တီးမှု ၁၅ ဂိုးအထိ ရှိလာခဲ့ပါတယ်။
ပီအက်စ်ဂျီအသင်းဟာ ဒီနိုင်ပွဲကြောင့် ဒုတိယနေရာက မာဆေးလ်အသင်းကို ၁ ပွဲအသာနဲ့ ရမှတ် ၁၁ မှတ်အသာရကာ အမှတ်ပေးဇယားကို ဦးဆောင်နေတာလည်း ဖြစ်ပါတယ်။လီဂူးဝမ်းပြိုင်ပွဲပြီးဆုံးဖို့ ၆ ပွဲသာ ကျန်ရှိတော့တဲ့ အချိန်မှာ ပီအက်စ်ဂျီအသင်းဟာ အမှတ်ပေးဖလားကို ၁၁ ကြိမ်မြောက်ရယူနိုင်ဖို့ နီးစပ်နေတာဖြစ်ပါတယ်။