ပီအက်စ်ဂျီအသင်းနောက်ခံလူ ရာမို့စ်က လိုင်လီအသင်းကို အနိုင်ရခဲ့တဲ့ ပွဲအပြီးမှာ ကာလကြာရှည်ပြိုင်ဘက်ဖြစ်ခဲ့တဲ့ မက်ဆီကို ချီးကျူးမှုတွေပြုလုပ်သွားခဲ့တာဖြစ်ပါတယ်။
ဒီပွဲမှာ ပီအက်စ်ဂျီအသင်းဟာ လိုင်လီအသင်းကို ၂ ဂိုး- ဂိုးမရှိနဲ့ ဦးဆောင်နေခဲ့ပေမယ့် ချေပဂိုးနဲ့ အနိုင်ဂိုးတွေပေးခဲ့ရပြီး ၃ ဂိုး- ၂ ဂိုးနဲ့ ပြန်လည်အရေးနိမ့်နေခဲ့တာပါ။ဒါပေမယ့် ဘတ်ပီက ချေပဂိုးသွင်းခဲ့လို့ ၃ ဂိုးစီသရေနဲ့ ပြီးဆုံးမယ်လို့ ထင်ခဲ့ပေမယ့် အချိန်ပိုမှာ ပီအက်ဂျီအသင်း ပြစ်ဒဏ်ဘောကန်သွင်းခွင့်ရခဲ့ပါတယ်။
ဒါကို မက်ဆီက အကောင်းဆုံးအဆုံးသတ်ခဲ့ပြီး ပီအက်စ်ဂျီအသင်းက ၄ ဂိုး- ၃ ဂိုးနဲ့ လိုင်လီအသင်းကို အနိုင်ရရှိခဲ့တာပါ။ပီအက်စ်ဂျီအသင်းဟာ နောက်ဆုံး ၃ ပွဲဆက်ရှုံးပြီး ရလဒ်တွေဆိုးနေတာကို ဒီပွဲမှာ အနိုင်ရပြီး အဆုံးသတ်နိုင်ခဲ့တာဖြစ်ပါတယ်။
ရာမို့စ်က “မက်ဆီဒီလိုမျိုးလုပ်တာကို ကျွန်တော်မအံသြတော့ပါဘူး။ဘာစီလိုနာမှာရှိတဲ့ အချိန်ကတည်းက သူဟာ ဒီလိုမျိုးတွေနဲ့ပဲ ပွဲတွေကိုအဆုံးအဖြတ်ပေးလေ့ရှိပါတယ်။သူက အခုကျွန်တော်နဲ့ တစ်သင်းတည်းမှာရှိနေလို့ ဝမ်းသာရတယ်”လို့ ‘Amazon Prime Video ကိုပြောခဲ့တာပါ။
ရာမို့စ်ဟာ မက်ဆီကို ချီးကျုးမှုပြုလုပ်တာ ပထမဆုံးအကြိမ်မဟုတ်ဘဲ ပီအက်စ်ဂျီအသင်းမှာ အသင်းဖော်အဖြစ်အတူတွဲကစားတည်းက မကြာခဏဆိုသလိုပြုလုပ်နေခဲ့တာဖြစ်ပါတယ်။
