ပီအက်စ်ဂျီတိုက်စစ်မှူး ဘတ်ပီဟာ လန်းစ်အသင်းကို အနိုင်ရခဲ့တဲ့ လီဂူးဝမ်းပွဲမှာ တစ်ဂိုးသွင်ယူပြီးနောက် လိဂ်ပြိုင်ပွဲမှာ ပြင်သစ်ကလပ်ရဲ့ဂိုးသွင်းအများဆုံးကစားသမားအဖြစ် စံချိန်တင်နိုင်ခဲ့ပါတယ်။
ပီအက်စ်ဂျီအသင်းဟာ ဒီပွဲမှာ လန်းစ်အသင်းကို ၃ ဂိုး- ၁ ဂိုးနဲ့ အနိုင်ရခဲ့တာဖြစ်ပြီး ဘတ်ပီ၊ ဗီတင်ဟာနဲ့ မက်ဆီတို့က ၁ ဂိုးစီသွင်းယူခဲ့တာပါ။ဘတ်ပီဟာ ဒီပွဲမှာ ၁ ဂိုးသွင်းယူနိုင်ခဲ့သလို မက်ဆီသွင်းယူတဲ့ ဂိုးကိုလည်း ဖန်တီးပေးနိုင်ခဲ့တာဖြစ်ပါတယ်။
ပြင်သစ်အသင်းခေါင်းဆောင်ဟာ ပီအက်စ်ဂျီအတွက် လိဂ်ပွဲ ၁၆၉ ပွဲကစားအပြီးမှာ ၁၃၉ ဂိုးသွင်းယူနိုင်ခဲ့တာဖြစ်ပြီး ကာဗာနီရဲ့သွင်းဂိုးအရေအတွက်ကို ကျော်ဖြတ်နိုင်ခဲ့တာပါ။ဘတ်ပီဟာ မကြာသေးခင်ကလည်း ပီအက်စ်ဂျီအသင်းရဲ့ဂိုးသွင်းအများဆုံးကစားသမားအဖြစ် ကာဗာနီရဲ့စံချိန်ကို ကျော်ဖြတ်ပြီး စံချိန်သစ်တင်နိုင်ခဲ့ပါတယ်။
ဒီရာသီမှာ ပီအက်စ်ဂျီအတွက် ခြေစွမ်းပြသနေတဲ့ဘတ်ပီဟာ အသင်းအတွက် ပြိုင်ပွဲစုံ ၃၆ ပွဲကစားအပြီးမှာ ၃၂ ဂိုးအထိသွင်းယူထားတာဖြစ်ပါတယ်။
ပီအက်စ်ဂျီအသင်းဟာ ဒီနိုင်ပွဲကြောင့် ဒုတိယနေရာက လန်းစ်အသင်းကို ၉ မှတ်ဖြတ်ထားနိုင်ခဲ့ပြီး လီဂူးဝမ်းဖလားကို ၁၁ ကြိမ်မြောက်ရယူဖို့ နီးစပ်နေပြီဖြစ်ပါတယ်။