မက်ဆီဟာ အသင်းရဲ့ ခွင့်ပြုချက်မရဘဲ ဆော်ဒီခရီးစဉ်သွားရောက်ခဲ့လို့ ပွဲပယ်ခံရပြီးနောက် ပထမဆုံးပွဲစဉ်အဖြစ် အေဂျက်စီယိုနဲ့ ကစားမယ့် လီဂူးဝမ်းပွဲစဉ်မှာ ပြန်လည်ပါဝင်တော့မှာ ဖြစ်ပါတယ်။
မက်ဆီကို ပီအက်စ်ဂျီအသင်းက ၂ ပတ်ကြာပွဲပယ်တဲ့ ပြစ်ဒဏ်ချမှတ်ခဲ့ပေမယ့် ကစားသမားဘက်က တောင်းပန်မှုပြုလုပ်ပြီးနောက် ဒီပွဲပယ်ပြစ်ဒဏ်ကို ပယ်ဖျက်ကာ အသင်းနဲ့အတူ လေ့ကျင့်မှုတွေ ပြန်လည်ပြုလုပ်စေခဲ့တာဖြစ်ပါတယ်။
ပြီးခဲ့တဲ့ ထရိုယက်စ်နဲ့ ပွဲမှာ ပွဲပယ်ကြောင့် မပါဝင်နိုင်ခဲ့တဲ့ မက်ဆီဟာ လေ့ကျင့်မှုတွေမှာ ကောင်းမွန်စွာ လုပ်ပြထားနိုင်ခဲ့တဲ့အတွက် အေဂျက်စီယိုနဲ့ ပွဲရဲ့ ပွဲထွက်လူစာရင်းမှာ ပါဝင်မယ်လို့ ပြောခဲ့ပါတယ်။
ဂယ်လ်တီယာက “မက်ဆီဟာ အေဂျက်စီယိုနဲ့ပွဲမှာ ပွဲစကတည်းက ပါဝင်မှာပါ။သူ့ရဲ့ စိတ်နေသဘောထားကို သိဖို့ ကျွန်တော်စကားပြောခဲ့ပြီး ကစားဖို့ စိတ်ပိုင်းဖြတ်ထားတာကို တွေ့မြင်ခဲ့ရပါတယ်။သူက ဒီဆုဖလားကို ရယူနိုင်ဖို့ စိတ်ပိုင်းဖြတ်ထားပါတယ်”လို့ ဆိုခဲ့တာဖြစ်ပါတယ်။
မက်ဆီဟာ စာချုပ်ကုန်ဆုံးမယ့် အခုရာသီအကုန်မှာ ပီအက်စ်ဂျီကနေ ထွက်ခွာဖို့ ရှိနေတာဖြစ်ပါတယ်။