ပီအက်စ်ဂျီနောက်ခံလူ ကင်မ်ပန်ဘီဟာ မိုနာကိုအသင်းကို ၃ ဂိုး- ၁ ဂိုးနဲ့ ဂိုးပြတ်အရေးနိမ့်ခဲ့တဲ့ လီဂူးဝမ်းပွဲအပြီးမှာ အဝေးကွင်းပွဲကိုလာကြည့်တဲ့ အသင်းပရိသတ်တွေကို ဦးဆောင်ပြီးတောင်းပန်မှုပြုလုပ်သွားခဲ့တာဖြစ်ပါတယ်။
ဒီပွဲအပြီးမှာ အသင်းခေါင်းဆောင် မာကွင်ဟိုစ်က ချဉ်းကပ်ခြင်းမပြုလုပ်ဖို့ အကြံပေးခဲ့ပေမယ့် ကင်မ်ပန်ဘီကတော့ ဦးဆောင်ပြီး ပရိသတ်တွေကိုတောင်းပန်မှုပြုလုပ်သွားခဲ့တာဖြစ်ပါတယ်။ဂိုးသမား ဒွန်နာရမ်မာကလည်း ပရိသတ်တွေနဲ့ စကားပြောဆိုမှုတွေပြုလုပ်သွားခဲ့တာပါ။
ဒီပွဲမှာ ပီအက်စ်ဂျီအသင်းရဲ့အဓိကကစားသမားတွေဖြစ်တဲ့ မက်ဆီ၊ဘတ်ပီနဲ့ ဗာရတ်တီတို့မပါဝင်ခဲ့သလို ပွဲမတိုင်ခင် ဗိုင်းရပ်စ်ကူးစက်ခံရမှုတွေကြောင့်လည်း အသင်းဟာ ရွေးချယ်မှုတွေနည်းပါးသွားခဲ့တာဖြစ်ပါတယ်။ပီအက်စ်ဂျီအသင်းဟာ လာမယ့်ကြားရက်မှာ ဘိုင်ယန်မြူးနစ်အသင်းနဲ့ ချန်ပီယံလိဂ်ပွဲစဉ်ယှဉ်ပြိုင်ရမှာပါ။
ကင်မ်ပန်ဘီက “ဒီအခြေအနေက အဓိပ္ပါယ်မရှိဘူးဆိုတာ ကျွန်တော်တို့သိပါတယ်။ကျွန်တော်တို့ကို လာရောက်အားပေးတဲ့အတွက် ကျေးဇူးတင်ပါတယ်လို့သာ ပြောလို့ရပါတယ်။ကျွန်တော်တို့ကို ထားပြီးမသွားပါနဲ့။ကျွန်တော်တို့ ခင်ဗျားတို့ကို လိုအပ်ပါတယ်”
“ကျွန်တော်တို့ ဒီအခြေအနေတွေကို ပြန်ပြင်ဆင်ပြီး အင်္ဂါနေ့မှာ သွားရောက်ကစားမယ်”လို့ ပြောခဲ့တာဖြစ်ပါတယ်။ပီအက်စ်ဂျီအသင်းဟာ ကြားရက်ကကစားခဲ့တဲ့ ပြင်သစ်ဖလားပွဲမှာလည်း မာဆေးလ်အသင်းကို အရေးနိမ့်ပြီး ပြိုင်ပွဲကနေ ထွက်ခွာခဲ့ရတာဖြစ်ပါတယ်။