ပီအက်စ်ဂျီအသင်းက နိုက်စ်အသင်းကို ၂ ဂိုး- ဂိုးမရှိနဲ့ အနိုင်ရခဲ့တဲ့ လီဂူးဝမ်းပွဲမှာ မက်ဆီဟာ အသင်းအတွက် ၁ ဂိုးသွင်းယူပြီးနော် ရော်နယ်ဒိုရဲ့စံချိန်ကို ကျော်ဖြတ်နိုင်ခဲ့ပါတယ်။
မက်ဆီဟာ ဒီပွဲမှာ ၁ ဂိုးသွင်းယူပြီးနောက် ကလပ်ကစားသမားဘ၀ ဥရောပသွင်းဂိုး ၇၀၂ ဂိုးအထိ ရှိလာခဲ့ပြီး အယ်လ်နာဆာကို ရောက်နေတဲ့ ပြိုင်ဘက်ကြီး ရော်နယ်ဒိုထက် ၁ ဂိုးအသာရသွားခဲ့တာပါ။အဲ့ဒါကြောင့် မက်ဆီဟာ ဥရောပမှာ ကလပ်ဂိုးသွင်းအများဆုံးကစားသမားဖြစ်ခဲ့ပါတယ်။
မက်ဆီဟာ ဒီပွဲမှာ ပီအက်စ်ဂျီအတွက် ၁ ဂိုးသွင်းယူနိုင်ခဲ့သလို အသင်းဖော် ရာမို့စ်ရဲ့သွင်းဂိုးကိုပါ ဖန်တီးပေးနိုင်ခဲ့ပါတယ်။အဲ့ဒါကြောင့် မက်ဆီဟာ ဒီပွဲမှာ ပီအက်စ်ဂျီအတွက် အဖိုးတန် ၃ မှတ်ရယူပေးနိုင်ခဲ့တာပါ။
မကြာသေးခင်က ပွဲတွေမှာ ပီအက်စ်ဂျီပရိသတ်တွေရဲ့လှောင်ပြောင်မှုတွေခံခဲ့ရတဲ့ မက်ဆီဟာ ဒီပွဲမှာတော့ ပရိသတ်အကြိုက် ခြေစွမ်းနဲ့ စွမ်းဆောင်ရည်ကို ပြသကာရော်နယ်ဒိုရဲ့ စံချိန်ကိုပါ ကျော်ဖြတ်နိုင်ခဲ့တာဖြစ်ပါတယ်။
ပီအက်စ်ဂျီအသင်းဟာ ဒီနိုင်ပွဲကြောင့် ဒုတိယနေရာက လန်းစ်အသင်းကို ၆ မှတ်အသာရပြီး လီဂူးဝမ်းအမှတ်ပေးဇယားကို ဆက်လက်ဦးဆောင်နေတာဖြစ်ပါတယ်။