ပီအက်စ်ဂျီအသင်းတိုက်စစ်မှူး မက်ဆီဟာ မကြာသေးခင်က ဆော်ဒီခရီးစဉ်နဲ့ ပတ်သက်ပြီးတောင်းပန်တဲ့အကြောင်းကို ဆိုရှယ်မီဒီယာပေါ်မှာ ဗီဒီယိုနဲ့တင်ခဲ့တာဖြစ်ပါတယ်။
မက်ဆီဟာ လော်ရီးယန့်အသင်းကို အရေးနိမ့်တဲ့ပွဲအပြီးမှာ အသင်းရဲ့ခွင့်ပြုချက်မရဘဲ ဆော်ဒီကို သွားရောက်ခဲ့တာပါ။အဲ့ဒါကြောင့် ပီအက်စ်ဂျီအသင်းဟာ မက်ဆီကို အသင်းကနေ ၂ ပတ်ကြာဆိုင်းငံ့တဲ့ ပြစ်ဒဏ်ချမှတ်ခဲ့တာဖြစ်ပါတယ်။
မက်ဆီဟာ ဒီ ၂ ပတ်အတွင်းမှာ အသင်းနဲ့ လေ့ကျင့်မှုပြုလုပ်လို့ရမှာမဟုတ်သလို ဒီကာလအတွင်းမှာ ရရှိမယ့် လုပ်အားခကိုလည်းဒဏ်ကြေးငွေအဖြစ် ပီအက်စ်ဂျီအသင်းက ချမှတ်ခဲ့တာဖြစ်ပါတယ်။ပီအက်စ်ဂျီပရိသတ်တွေကလည်း မက်ဆီကို အသင်းက ထွက်ခွာဖို့ တောင်းဆိုမှုတွေရှိခဲ့တာပါ။
အဲ့ဒါကြောင့် မက်ဆီဟာ သူ့ရဲ့ဒီခရီးစဉ်နဲ့ ပတ်သက်ပြီး တောင်းပန်မှုပြုလုပ်သွားခဲ့တာဖြစ်ပါတယ်။မက်ဆီက”ကျွန်တော့်ရဲ့အသင်းဖော်တွေနဲ့ ကလပ်ကို တောင်းပန်ချင်ပါတယ်။ပွဲပြီးရင် ၁ ရက်အနားယူရမယ်လို့တွေးခဲ့မိပါတယ်။ဆော်ဒီခရီးစဉ်ကို စီစဉ်ခဲ့ပြီးနောက် မဖျက်နိုင်ခဲ့ပါဘူး”
La palabra de Leo Messi, tras lo ocurrido en PSG. pic.twitter.com/K3OOQu3TLS
— Fabricio Smolar (@FabricioSmolar) May 5, 2023
“အသင်းဖော်တွေကို တောင်းပန်ချင်ပါတယ်။ကလပ်နဲ့ အံဝင်ခွင်ကျဖြစ်မှာကို စောင့်နေပါတယ်”လို့ ပြောခဲ့တာဖြစ်ပါတယ်။မက်ဆီဟာ ရာသီအကုန်မှာ ပီအက်စ်ဂျီကနေ ထွက်ခွာတော့မယ်လို့ သိရပါတယ်။