ဘတ်ပီဟာ ပီအက်စ်ဂျီအသင်းသမိုင်းတလျှောက်ဂိုးသွင်းအများဆုံးကစားသမားဖြစ်လာခဲ့ပြီးနောက် ဘောလုံးသမိုင်းမှတ်တမ်းတွေရေးထိုးဖို့က သူ့ရဲ့ရည်မှန်းချက်ဖြစ်တယ်လို့ ပြောလိုက်ပါတယ်။
ဘတ်ပီဟာ ပီအက်စ်ဂျီအသင်းက နန့်တက်စ်အသင်းကို ၄ ဂိုး- ၂ ဂိုးနဲ့အနိုင်ရခဲ့တဲ့ လီဂူးဝမ်းပွဲစဉ်ရဲ့နာကျင်အချိန်ပိုမှာ ဂိုးသွင်းယူပြီးနောက် စံချိန်သစ်တင်လိုက်တာပါ။ဘတ်ပီဟာ ဒီသွင်းဂိုးကြောင့် ပီအက်စ်ဂျီကစားသမားဘဝသွင်းဂိုး ၂၀၁ ဂိုးအထိရှိလာခဲ့ပြီး ကာဗာနီကို ကျော်ဖြတ်ကာ လီဂူးဝမ်းလက်ရှိချန်ပီယံအသင်းရဲ့ဂိုးသွင်းအများဆုံးကစားသမားဖြစ်ခဲ့ပါတယ်။
ဘတ်ပီက “ကျွန်တော်ဟာ သမိုင်းမှတ်တမ်းတွေရေးထိုးဖို့ကစားနေတာပါ။ပြစ်သစ်၊မြို့တော်၊ကျွန်တော့်နိုင်ငံ၊ကျွန်တော့်မြို့မှာ သမိုင်းမှတ်တမ်းတွေကိုရေးထိုးချင်တယ်ဆိုတာကို အမြဲတမ်းပြောဖူးပါတယ်။ကျွန်တော်ဒါကိုလုပ်ဆောင်နေပြီး ဒါကအရမ်းလှပပါတယ်”
“ဒါပေမယ့် သွားရမယ့်လမ်းက အဝေးကြီးကျန်ရှိနေပါသေးတယ်။ဒါဟာ ကိုယ်ပိုင်အောင်မြင်မှုပါ။ဒါပေမယ့် စုပေါင်းအောင်မြင်မှုတွေရအောင်လုပ်ဖို့လာခဲ့တာပါ”လို့ ပြောခဲ့ပါတယ်။
ဘတ်ပီဟာ ပီအက်စ်ဂျီအတွက် သွင်းဂိုး ၂၀၁ ဂိုးရရှိဖို့ ၂၄၇ ပွဲသာကစားခဲ့ရတာပါ။ဘတ်ပီဟာ ဒီရာသီမှာလည်း ပီအက်စ်ဂျီအတွက်ခြေစွမ်းပြသနေပြီး ၁၈ ဂိုးသွင်းယူကာ ပြင်သစ်လိဂ်ရဲ့ထိပ်တန်းဂိုးသွင်းရှင်အဖြစ် ရပ်တည်နေတာဖြစ်ပါတယ်။