မက်ဆီဟာ အခုရာသီအကုန်မှာ ပီအက်စ်ဂျီကနေ ထွက်ခွာတော့မယ့် ဆုံးဖြတ်ချက်ကို ချလိုက်ပြီလို့ ဖာဘရီဇီယိုရိုမန်နိုက ဖော်ပြလိုက်ပါတယ်။
မက်ဆီနဲ့ ပီအက်စ်ဂျီတို့ချုပ်ဆိုထားတဲ့ စာချုပ်ဟာ အခုရာသီအကုန်မှာ ကုန်ဆုံးတော့မှာဖြစ်ပြီး စာချုပ်သစ်အတွက် သဘောတူညီမှုမရရှိခဲ့တာဖြစ်ပါတယ်။အဲ့ဒီကတည်းက မက်ဆီဟာ အသင်းဟောင်း ဘာစီလိုနာအသင်းအပါအဝင် အသင်းတချို့ရဲ့ ချိတ်ဆက်မှုတွေခံခဲ့ရတာဖြစ်ပါတယ်။
မက်ဆီဟာ လော်ရီးယန့်အသင်းကို အိမ်ကွင်းမှာ အရေးနိမ့်ပြီးနောက် အသင်းရဲ့ခွင့်ပြုချက်မရယူဘဲ ဆော်ဒီနိုင်ငံကို မိသားစုနဲ့အတူ သွားရောက်ခဲ့တာကြောင့် အသင်းရဲ့ ၂ ပတ်ကြာ ပွဲကစားခွင့်ဆိုင်းငံ့တဲ့ ပြစ်ဒဏ်ချမှတ်ခဲ့တာဖြစ်ပါတယ်။အဲ့ဒါကြောင့် ပီအက်စ်ဂျီကနေ မက်ဆီထွက်ခွာမယ့် ဆုံးဖြတ်ချက်ဟာ ပိုပြီးသေချာသွားခဲ့တာပါ။
ဖာဘရီဇီယိုရိုမန်နိုရဲ့ဖော်ပြချက်အရ မက်ဆီရဲ့ဖခင်ဟာ စီမံကိန်းကြောင့် လွန်ခဲ့တဲ့ တစ်လကတည်းက ပီအက်စ်ဂျီအသင်းထံ ဆုံးဖြတ်ချက်ပြောခဲ့ပြီးပြီဖြစ်တယ်လို့ သိရပါတယ်။နောက်ရာသီမှာ ဆက်ပြီးလက်မတွဲဖို့ ဆုံးဖြတ်ခဲ့လို့ သူတို့နှစ်ဦးရဲ့ဆက်ဆံရေးပြတ်တောက်သွားပုံရတယ်လို့ သူက ပြောခဲ့တာပါ။
အဲ့ဒါကြောင့် လာမယ့်ရာသီမှာ မက်ဆီကို အသင်းသစ်မှာ မြင်တွေ့ရဖို့ ရှိနေပြီး အသင်းဟောင်း ဘာစီလိုနာကို ပြန်ရောက်မလားဆိုတာ စောင့်ကြည့်ရမှာလည်းဖြစ်ပါတယ်။
