ပီအက်စ်ဂျီအသင်းက အိမ်ကွင်းမှာ လိုင်ယွန်အသင်းကို ၁ ဂိုး- ဂိုးမရှိနဲ့ အရေးနိမ့်ခဲ့တဲ့ လီဂူးဝမ်းပွဲစဉ်မှာ မက်ဆီဟာ အသင်းအားပေးသူပရိသတ်တွေရဲ့လှောင်ပြောင်မှုတွေကို ထပ်မံခံခဲ့ရပါတယ်။
ပီအက်စ်ဂျီအသင်းဟာ လိုင်ယွန်အသင်းကို အရေးနိမ့်ခဲ့တဲ့အတွက် လီဂူးဝမ်းပြိုင်ပွဲမှာ ၂ ပွဲဆက်ရှုံးပွဲကြုံတွေ့ခဲ့ရတာပါ။မက်ဆီဟာ နိုင်ငံတကာပွဲစဉ်မတိုင်ခင် ကစားခဲ့တဲ့ ရီးနတ်စ်အသင်းကို အရေးနိမ့်တဲ့ပွဲမှာ ပီအက်စ်ဂျီပရိသတ်တွေရဲ့လှောင်ပြောင်မှုကို ခံခဲ့ရပါတယ်။အဲ့ဒါကြောင့် မက်ဆီဟာ ပွဲပြီးဆုံးချိန်မှာ ဥမင်ထဲတန်းပြီးဝင်သွားခဲ့တာပါ။
အခုလိုင်ယွန်နဲ့ ပွဲမှာလည်း ပီအက်စ်ဂျီပရိသတ်တွေဟာ မက်ဆီကို ထပ်မံလှောင်ပြောင်ခဲ့ပြီး သူ့ရဲ့ နာမည်ကို ကြေညာချိန်မှာ လေချွန်သံတွေပြုလုပ်ခဲ့ကြပါတယ်။အာဂျင်တီးနားအသင်းခေါင်းဆောင်ဟာ အသင်းဟောင်း ဘာစီလိုနာအသင်းမှာ မကြုံတွေ့ခဲ့ရတဲ့ အရာတွေကို ပီအက်စ်ဂျီအသင်းရောက်မှ ကြုံတွေ့နေရပြီး ဒီပွဲမှာလည်း ပွဲပြီးဆုံးချိန်မှာ ဥမင်ထဲကိုပဲ တန်းပြီးဝင်သွားခဲ့ပါတယ်။
ရာသီအကုန်မှာ ပီအက်စ်ဂျီအသင်းနဲ့ မက်ဆီတို့ချုပ်ဆိုထားတဲ့ ၂ နှစ်စာချုပ်ဟာ ကုန်ဆုံးတော့မှာပါ။ပီအက်စ်ဂျီကလည်း မက်ဆီကို သက်တမ်းတိုးဖို့ လုပ်ဆောင်နေပေမယ့် အသင်းဟောင်း ဘာစီလိုနာကလည်း ပြန်လည်ခေါ်ယူဖို့ ချိတ်ဆက်နေတာဖြစ်ပါတယ်။
ပီအက်စ်ဂျီနည်းပြ ဂယ်လ်တီယာက “လေချွန်သံတွေဟာ တကယ်ကိုခက်ခဲပါတယ်။လီယိုဟာ ရာသီအစကည်းကရော အခုအချိန်မှာရော အရာအားလုံးကို အများကြီးပေးတဲ့သူပါ”လို့ ပြောခဲ့တာဖြစ်ပါတယ်။
