ပင်နယ်တီ ၂ ကြိမ်ကန်တာလည်းမဝင် ဒဏ်ရာလည်းရပြီး ကံဆိုးခဲ့တဲ့ ဘတ်ပီ

BY bp-editor
02/02/2023
0 Comments
3.40K Views

ဘတ်ပီကတော့ ပီအက်စ်ဂျီအသင်းက မောင့်ပယ်လီယာအသင်းကို အနိုင်ရခဲ့တဲ့ လီဂူးဝမ်းပွဲစဉ်မှာ ပင်နယ်တီလည်းလွဲချော်ခဲ့ပြီး ဒဏ်ရာလည်းရရှိခဲ့တာကြောင့် စိတ်ပျက်စရာဖြစ်ခဲ့ရပါတယ်။

ဒီပွဲမှာ ပီအက်စ်ဂျီအသင်းဟာ မောင့်ပယ်လီယာအသင်းကို ၃ ဂိုး- ၁ ဂိုးနဲ့ အနိုင်ရရှိသွားခဲ့တာဖြစ်ပြီး ပီအက်စ်ဂျီအတွက်ဂိုးတွေကို ဖာဘီယန်ရုဇ်၊မက်ဆီနဲ့ ဝါရမ်တို့က သွင်းယူခဲ့တာပါ။ဒီပွဲမှာ ပီအက်စ်ဂျီတိုက်စစ်မှူး ဘတ်ပီဟာ အသင်းအတွက် ရတဲ့ ပင်နယ်တီကို ၂ ကြိမ်ကန်သွင်းရာမှာ ၂ ကြိမ်စလုံးလွဲခဲ့တာဖြစ်ပါတယ်။

Soccer Football – Ligue 1 – Montpellier v Paris St Germain – Stade de la Mosson, Montpellier, France – February 1, 2023 Paris St Germain’s Kylian Mbappe misses a penalty REUTERS/Eric Gaillard

ပွဲချိန် ၉ မိနစ်မှာ ပင်နယ်တီရခဲ့တာဖြစ်ပြီး ဘတ်ပီကန်သွင်းတာကို ဂိုးသမား ပုတ်ထုတ်ခဲ့ပါတယ်။
ဒါပေမယ့် ဒိုင်လူကြီးက VAR ရဲ့ဆုံးဖြတ်ချက်ကို နားထောင်ပြီး ပင်နယ်တီကို ပြန်ကန်ခိုင်းခဲ့တာပါ။ဘတ်ပီကပဲ ကန်ခဲ့တာဖြစ်ပြီး ဒီတစ်ကြိမ်ကန်သွင်းမှုကတော့ တိုင်ထိခဲ့တာဖြစ်ပါတယ်။

ဘတ်ပီဟာ ပြန်ထွက်လာတဲ့ ဘောလုံးကို ပိတ်သွင်းရာမှာလည်း လွဲခဲ့ပြန်ပါတယ်။
ဘတ်ပီဟာ ပင်နယ်တီလွဲချော်ပြီး သိပ်မကြာခင်မှာ ဒဏ်ရာရခဲ့တာကြောင့် လူစားလဲမှုပြုလုပ်ခဲ့ရပါတယ်။ဘတ်ပီအတွက်ကတော့ ပင်နယ်တီလည်းမဝင် ဒဏ်ရာလည်း ရသွားခဲ့လို့ ကံဆိုးခဲ့တယ်လို့ ပြောရမှာပါ။