ရော်နယ်ဒိုက အယ်လ်နာဆာအသင်းကို မပြောင်းရွှေ့ခင်မှာ ဥရောပကအပါအဝင် ကလပ်အသင်းတွေအများကြီးက သူ့ကိုခေါ်ယူဖို့ ကြိုးစားခဲ့ကြတာလို့ ပြောလိုက်ပါတယ်။
ရော်နယ်ဒိုဟာ ကမ္ဘာ့စံချိန်တင်လုပ်ခလစာ ယူရိုသန်း ၂၀၀ နဲ့ ၂၀၂၅ အထိ စာချုပ်ချုပ်ဆိုကာ အယ်နာဆာအသင်းထံ ပြောင်းရွှေ့ခဲ့ပြီး အသင်းရဲ့ ကစားသမားသစ်အဖြစ် တရားဝင် မိတ်ဆက်ခဲ့တာဖြစ်ပါတယ်။
ရော်နယ်ဒိုက “ဘယ်သူကမှမသိပေမယ့် ဥရောပက အခွင့်အရေးတွေအများကြီးရခဲ့ပါတယ်။ဘရာဇီးလ်၊ သြစတြေးလျနဲ့ အမေရိကန်ကလပ်တွေအများကြီးလည်း ပါပါတယ်။ပေါ်တူဂီမှာလည်း ကျွန်တော့်ကို ခေါ်ဖို့ ကလပ်အသင်းအများကြီးကြိုးစားခဲ့ကြပါတယ်”
“ဒါပေမယ့် ဘောလုံးသာမက ဖွံ့ဖြိုးတိုးတက်ဖို့ အခွင့်အလန်းအတွက် ဒီကလပ်ကို ကျွန်တော်ခရက်ဒစ်ပေးပါတယ်။ဒီနိုင်ငံဟာ အံ့မခန်းပါပဲ”လို့ ဆိုခဲ့ပါတယ်။
အယ်လ်နာဆာအသင်းဟာ ရော်နယ်ဒိုကို ခေါ်ယူပြီးနောက် နာမည်ကြီးကစားသမားတချို့ကိုပါ ခေါ်ယူဖို့ ပြင်ဆင်နေတာပါ။ရော်နယ်ဒိုအနေနဲ့ အယ်လ်တေအီနဲ့ ကစားမယ့်ပွဲမှာ အယ်လ်နာဆာအတွက် ပါဝင်နိုင်ဖွယ်ရှိတယ်လို့ သိရပါတယ်။
