ယူနိုက်တက်တိုက်စစ်မှူး ဂရင်းဝုဒ်ဟာ အတ္တလန္တာအသင်းထံ အငှားနဲ့ ပြောင်းရွှေ့နိုင်ဖို့အတွက် ဖြစ်နိုင်ဖွယ်ရှိတဲ့ အပြောင်းအရွှေ့ကို ဆွေးနွေးမှုတွေ ပြုလုပ်နေတယ်လို့ သတင်းတွေမှာ ဖော်ပြထားပါတယ်။
အတ္တလန္တာအသင်းဟာ ဂရင်းဝုဒ်ကို အငှားနဲ့ ခေါ်ယူဖို့ စိတ်ဝင်စားနေတာဖြစ်ပြီး သူတို့တိုက်စစ်မှူး ဟော့ဂျ်လန်းကို ယူနိုက်တက်အသင်းက ခေါ်ယူမယ်ဆိုရင် ဒီအပြောင်းအရွှေ့က အစိတ်အပိုင်းအနေနဲ့ ပါဝင်လာနိုင်တာပါ။အဲ့ဒါကြောင့် အတ္တလန္တာအသင်းဟာ ဂရင်းဝုဒ်ကို ခေါ်ယူနိုင်ဖို့ အခြေအနေကောင်းနေတာ ဖြစ်ပါတယ်။
မုဒိမ်းမှုပါအဝင်စွဲချက်တွေကြောင့် ဖမ်းဆီးထိန်းသိမ်းခံခဲ့ရတဲ့ ၂၀၂၂ ဇန်နဝါရီထဲက ပွဲကစားခွင့်နဲ့ ဝေးကွာခဲ့တဲ့ ဂရင်းဝုဒ်ဟာ စွဲချက်တင်ထားတဲ့ အမှုတွေအားလုံးရုပ်သိမ်းခံရပြီးနောက် မြက်ခင်းစိမ်းထဲကို အမြန်ဆုံးခြေချချင်နေပြီဖြစ်ပါတယ်။
အဲ့ဒါကြောင့်လည်း နည်းပြတစ်ဦးငှားရမ်းပြီး သူ့ရဲ့ကြံ့ခိုင်မှုကို ထိန်းသိမ်းပြီး အကောင်းဆုံးပုံစံရရှိအောင် လေ့ကျင့်မှုတွေ ပြုလုပ်နေတာပါ။ယူနိုက်တက်နည်းပြ အဲရစ်တန်ဟတ်က ဂရင်းဝုဒ်ဟာ သူ့ရဲ့အစီအစဉ်ထဲမှာ ပါဝင်နေတာကြောင့် အပြီးသတ်မရောင်းချချင်ဘဲ အငှားသာချချင်နေတာဖြစ်ပါတယ်။
ဂရင်းဝုဒ်နဲ့ ယူနိုက်တက်အသင်းတို့ချုပ်ဆိုထားတဲ့ စာချုပ်ဟာ ၂၀၂၅ အထိ သက်တမ်းရှိနေပြီး သူ့ကို ခေါ်ယူဖို့ အသင်းအများအပြားက စိတ်ဝင်စားနေတာဖြစ်ပါတယ်။
