ပီအက်စ်ဂျီကြယ်ပွင့် ဘတ်ပီဟာ ပြင်သစ်ကလပ်ကနေ ထွက်ခွာခဲ့မယ်ဆိုရင် သူကစားချင်တဲ့ စီးရီးအေအသင်းက ဘယ်အသင်းလဲဆိုတာ မေးခဲ့တဲ့ ပရိသတ်တစ်ဦးရဲ့မေးမြန်းမှုကို ပြန်တုန့်ပြန်ခဲ့တာဖြစ်ပါတယ်။
ဘတ်ပီဟာ ပြီးခဲ့တဲ့ ဖီဖာအကောင်းဆုံးဆုပေးပွဲကို တက်ရောက်ခဲ့ပြီး ရမှတ် ၄၄ မှတ်နဲ့ မက်ဆီရဲ့နောက် ဒုတိယနေရာမှာ ရပ်တည်နိုင်ခဲ့တာပါ။ဘတ်ပီဟာ ပြီးခဲ့တဲ့ ကမ္ဘာ့ဖလားပြိုင်ပွဲမှာ ပြင်သစ်အသင်းအတွက် ခြေစွမ်းပြသနိုင်ခဲ့ပြီး ဗိုလ်လုပွဲမှာ ဟတ်ထရစ်သွင်းယူနိုင်ခဲ့တာဖြစ်ပါတယ်။
အဲ့ဒါကြောင့် ဘတ်ပီဟာ FIFPro ရဲ့ အကောင်းဆုံးအသင်းမှာတော့ ပါဝင်ခဲ့ပါတယ်။ဘတ်ပီဟာ ရီးရယ်လ်အသင်းကို ပြောင်းဖို့ နီးစပ်ခဲ့ဖူးပေမယ့် နောက်ပိုင်းမှာ ပီအက်စ်ဂျီအသင်းနဲ့ အကျိုးအမြတ်အများအပြားရတဲ့ စာချုပ်ချုပ်ဆိုခဲ့တာဖြစ်ပါတယ်။
ဖီဖာအကောင်းဆုံးဆုပေးပွဲမှာတော့ ဘတ်ပီဟာ စီးရီးအေကို ပြောင်းဖြစ်မယ်ဆိုရင် ဘယ်အသင်းကို ပြောင်းဖြစ်မလဲဆိုတာ မေးခြင်းခံခဲ့ရတာပါ။ဒီအချိန်မှာ ဘတ်ပီက “ကျွန်တော်လာဖြစ်မယ်ဆိုရင် အဲ့ဒါက အေစီမီလန်အသင်းပဲ ဖြစ်လိမ့်မယ်”လို့ ဆိုခဲ့တာဖြစ်ပါတယ်။
ဘတ်ပီဟာ ငယ်ငယ်လေးကတည်းက အေစီမီလန်အသင်းပွဲတွေ အများကြီးကြည့်ခဲ့ရပြီး အီဘရာဟီမိုဗစ်လို ဂန္တဝင်ကစားသမားကို အများကြီးလေးစားကြောင်း ပြောခဲ့တာဖြစ်ပါတယ်။
