အသင်းဟောင်းယူနိုက်တက်အသင်းကို အနိုင်ရခဲ့တဲ့ပွဲမှာ နော်တင်ဟမ်ဖောရက်စ်အသင်းအတွက် ခြေစွမ်းပြသနိုင်ခဲ့တဲ့ အီလန်ဂါက သူဟာ အမြင့်ဆုံးအဆင့်မှာကစားနိုင်တယ်ဆိုတာ သက်သေပြသနိုင်ခဲ့တယ်လို့ ဆိုခဲ့ပါတယ်။
ယူနိုက်တက်အကယ်ဒမီထွက် အီလန်ဂါဟာ ပြီးခဲ့တဲ့နွေရာသီက ပေါင် ၁၅ သန်းနဲ့ နော်တင်ဟမ်ဖောရက်စ်အသင်းထံ ပြောင်းရွှေ့ခဲ့တာပါ။အီလန်ဂါဟာ နော်တင်ဟမ်ဖောရက်စ်အသင်းကို ပြောင်းရွှေ့ပြီးကတည်းက ခြေစွမ်းပြသနေပြီး ၄ ဂိုးသွင်းယူကာ ၆ ဂိုးဖန်တီးထားတာဖြစ်ပါတယ်။
အီလန်ဂါဟာ ပြီးခဲ့တဲ့ရာသီက အဲရစ်တန်ဟတ်လက်အောက်မှာ ပုံမှန်ကစားခွင့်ရဖို့ ရုန်းကန်ခဲ့ရတာကို ဒီရာသီ အသင်းဟောင်းနဲ့တွေ့တဲ့ပွဲမှာ ခြေစွမ်းပြပြီး သက်သေပြသွားခဲ့တာပါ။အီလန်ဂါက “ပြီးခဲ့တဲ့ရာသီကပွဲတွေမှာ ၅ မိနစ်၊ ၁၀ မိနစ်လောက်သာကစားခဲ့ရတာက ကျနော့်အတွက် မလွယ်ကူပါဘူး။ကျနော်ခက်ခဲနေတဲ့အချိန်မှာ သန်မာအောင်နေခဲ့ရပါတယ်”
“ဒီပွဲဟာ ကျနော့်အတွက် ပုဂ္ဂိုလ်ရေးခံစားချက်ဖြစ်ပါတယ်။ကျနော်ဟာ အမြင့်ဆုံးအဆင့်မှာ ကစားနိုင်စွမ်းရှိတာကို သက်သေပြသနိုင်ခဲ့ပါတယ်။ကျနော်ကို ခေါ်ယူပေးခဲ့တဲ့ နော်တင်ဟမ်ဖောရက်စ်အသင်းကို ကျေးဇူးတင်ပါတယ်။ကျနော်ဒီထက်ပိုပြီးကြိုးစားလုပ်ဆောင်သွားမှာပါ”လို့ ဆိုခဲ့ပါတယ်။