ပရီးမီးယားလိဂ်ပွဲစဉ် ၂၀ အစောဆုံးပွဲစဉ်အဖြစ် ကစားခဲ့တဲ့ လူတန်နဲ့ ချယ်လ်ဆီးအသင်းတို့ပွဲမှာ ချယ်လ်ဆီးအသင်းဟာ ၃ ဂိုး- ၂ ဂိုးနဲ့ အနိုင်ရရှိသွားခဲ့ပါတယ်။
ဒီပွဲမှာ ချယ်လ်ဆီးအသင်းဟာ ကိုးလ်ပါးမားရဲ့၂ ဂိုး၊ မာဒူကီက ၁ ဂိုးနဲ့ လူတန်အသင်းကို ဦးဆောင်နိုင်ခဲ့ပေမယ့် လူတန်အသင်းရဲ့ဆက်တိုက်ဖိအားပေးတိုက်စစ်ဆင်မှုတွေကြောင့် ပွဲပြီးကာနီးမှာ ဘာကလေနဲ့အဒီဘာယိုတို့က ချေပဂိုးတွေသွင်းယူခဲ့တာပါ။အဲ့ဒါကြောင့် နာကျင်အချိန်ပိုမှာ ပွဲကပိုပြီး မြိုင်ဆိုင်ခဲ့တာဖြစ်ပါတယ်။
ချယ်လ်ဆီးအသင်းကတော့ နောက်ထပ်ချေပဂိုးမပေးရအောင် အကောင်းဆုံးကစားသွားနိုင်ခဲ့တာကြောင့် ၃ ဂိုး- ၂ဂိုးနဲ့ အနိုင်ရပြီး ၂၀၂၃ ကို အနိုင်နဲ့ နှုတ်ဆက်ခဲ့တာဖြစ်ပါတယ်။ချယ်လ်ဆီးအသင်းဟာ ဒီပွဲအပါအဝင် ၂ ပွဲဆက်တိုက်နိုင်ပွဲပြန်လည်ရယူနိုင်ခဲ့တာပါ။
ချယ်လ်ဆီးအသင်းဟာ နိုင်ပွဲရခဲ့ပေမယ့် အဆင့် ၁၀ နေရာမှာဆက်လက်ရပ်တည်နေပြီး လူတန်အသင်းကတော့ အဆင့် ၁၈ နေရာမှာ ရပ်တည်နေတာဖြစ်ပါတယ်။