စပါးအသင်းနည်းပြ ပိုစတီကိုဂလူးက ဘရိုက်တန်အသင်းကို စပါးအသင်း ၄ ဂိုး- ၂ ဂိုးနဲ့ အရေးနိမ့်တဲ့ပွဲမှာ သူ့ရဲ့ကစားသမားတွေဟာ ပင်ပန်းနေတယ်လို့ ပြောလိုက်ပါတယ်။
စပါးအသင်းဟာ အဓိက ကစားသမားတွေရဲ့ဒဏ်ရာရရှိနေမှုကြောင့် ရုန်းကန်နေရပြီး ဘရိုက်တန်အသင်းကို မိနစ် ၈၀ အထိ ၄ ဂိုး-ဂိုးမရှိနဲ့ အရေးနိမ့်ခဲ့တာပါ။မိနစ် ၈၀ နောက်ပိုင်းမှာတော့ စပါးအသင်း ချေပဂိုး ၂ ဂိုးပြန်ရခဲ့တာဖြစ်ပါတယ်။စပါးအသင်းဟာ ဒီရှုံးပွဲကြောင့် အဆင့် ၄ နေရာကို ပြန်ရယူနိုင်မယ့် အခွင့်အရေးလွဲချော်ခဲ့တာပါ။
ပိုစတီကိုဂလူးက “ကျနော်တို့ ပင်ပန်းနေပုံရပြီး ဒါကို နားလည်ပါတယ်။ကစားသမားတွေဟာ ဒီပွဲမှာ အရာအားလုံးကိုပေးခဲ့ပါတယ်။ရုပ်ပိုင်းဆိုင်ရာမှာ ထက်မြတ်မှုမရှိခဲ့ရင်တောင် တတ်နိုင်သမျှသူတို့ပေးနိုင်တဲ့အရာကို ပေးခဲ့ပြီး ပွဲပြီးဆုံးတဲ့အချိန်ထိ ကြိုးစားနေဆဲပါ”လို့ ဆိုခဲ့ပါတယ်။
စပါးအသင်းဟာ ဒီပွဲမတိုင်ခင် နောက်ဆုံး ၃ ပွဲဆက်တိုက်နိုင်ပွဲရယူနိုင်ခဲ့ပေမယ့် အဓိကနောက်ခံလူ ရိုမဲရိုးဒဏ်ရာကြောင့် မပါဝင်နိုင်တာအပါအဝင် ကစားသမား ၁၀ ဦးအထိ ဒဏ်ရာကြောင့် အနားယူနေရတယ်လို့ နည်းပြ ပိုစတီကိုဂလူးက ပြောခဲ့ပါတယ်။
