ပြီးခဲ့တဲ့နွေရာသီက ဆောက်သမ်တန်အသင်းကနေ ပြောင်းရွှေ့လာခဲ့တဲ့ လာဗီးယားဟာ ချယ်လ်ဆီးအသင်းအတွက် ခရစ္စတယ်ပဲလေ့စ်အသင်းကို အနိုင်ရတဲ့ပွဲမှာ ပွဲဦးထွက်အဖြစ် စတင်ပါဝင်ခဲ့တာဖြစ်ပါတယ်။
လာဗီးယားဟာ ချယ်လ်ဆီးအသင်းအတွက် ပွဲဦးထွက်ဖို့ ကာလရှည်ကြာစောင့်ဆိုင်းခဲ့ရပြီးနောက် ပါဝင်ခဲ့တဲ့ ပဲလေ့စ်အသင်းနဲ့ပွဲမှာ မိနစ် ၃၀ ကြာကစားခွင့်ရခဲ့ပြီးနောက် ပေါင်ဒဏ်ရာရရှိသွားခဲ့ပါတယ်။ပိုချက်တီနိုကတော့ လာဗီးယားရဲ့ဒဏ်ရာအခြေအနေအပေါ် စိုးရိမ်မှုတွေရှိနေတာပါ။
ပိုချက်တီနိုက “လာဗီးယားအတွက် ကျနော်အနည်းငယ်စိတ်ပူမိပါတယ်။သူဟာ ပွဲပြီးဆုံးတဲ့အချိန်အထိ ကစားသွားခဲ့ပေမယ့် ကြီးကြီးမားမားဒဏ်ရာမဖြစ်ဖို့ မျှော်လင့်တယ်”လို့ ပွဲအပြီးသတင်းထောက်တွေကို ပြောခဲ့တာဖြစ်ပါတယ်။
ချယ်လ်ဆီးအသင်းကတော့ ဒီရာသီမှာ အဓိက ကစားသမားအများအပြား ဒဏ်ရာရရှိနေမှုကြောင့် ရလဒ်တွေကလည်း အတက်အကျကြမ်းနေတာပါ။ချယ်လ်ဆီးအသင်းဟာ ၂၀၂၃ ခုနှစ်ထဲမှာ နောက်ဆုံးပွဲစဉ်အဖြစ် လူတန်အသင်းအိမ်ကွင်းမှာ သွားရောက်ယှဉ်ပြိုင်ရမှာဖြစ်ပါတယ်။