မန်စီးတီးအသင်းနည်းပြ ဂွာဒီယိုလာက အသင်းရဲ့CEO ဘာရာဒါကို ယူနိုက်တက်အသင်းက ခေါ်ယူခဲ့ပေမယ့် ယူနိုက်တက်အသင်းအနေနဲ့ ပြဿနာတွေကိုဖြေရှင်းနိုင်မှာမဟုတ်ဘူးလို့ ပြောလိုက်ပါတယ်။
ယူနိုက်တက်အသင်းဟာ မန်စီးတီးအသင်းမှာ ၁၀ နှစ်နီးပါးကြာရှိခဲ့တဲ့ ဘာရာဒါကို အသင်းရဲ့CEO အသစ်အဖြစ်ခန့်အပ်ခဲ့တာပါ။ဆာဂျင်ရက်ကလစ်ဖ်ဟာ ယူနိုက်တက်အသင်းရဲ့အစုရှယ်ယာကို ဝယ်ယူပြီးနောက် အသင်းရဲ့အဓိကခန့်အပ်မှုအဖြစ် ဘာရာဒါကို CEO အဖြစ်ခန့်အပ်ခဲ့တာဖြစ်ပါတယ်။
ဂွာဒီယိုလာက “ဒီဘရိုင်းက မန်စီးတီးမှာကစားနေသလို ဟာလန်းလည်းဒီမှာကစားနေတာပါ။အဲ့ဒါကြောင့် အဆုံးသတ်က ဒီလောက်မရိုးရှင်းပါဘူး။ယူနိုက်တက်အသင်းဟာ ဘာရာဒါနဲ့အတူ အရာအားလုံးပြောင်းလဲသွားမယ်လို့ထင်နေကြပါတယ်။ဂုဏ်ယူပါတယ်။ဒီလိုဖြစ်သွားမလားဆိုတာ ကျနော်လည်းမသိပါဘူး”
“ဘာရာဒါဟာ ချစ်ဖို့ကောင်းတဲ့သူဖြစ်သလို မယုံနိုင်စရာကောင်းတဲ့ စရိုက်လက္ခဏာ၊ မယုံနိုင်လောက်တဲ့ ပရော်ဖက်ရှင်နယ်ပါ။မနေ့ကတွေ့ခဲ့ပြီး ပွေ့ဖက်ကာ အကောင်းဆုံးဖြစ်ပါစေလို့ ဆုတောင်းပေးခဲ့ပါတယ်။သူဟာ တကယ်ကိုထူးချွန်တဲ့သူပါ”လို့ ဆိုခဲ့ပါတယ်။
ဘာရာဒါဟာ ပြီးခဲ့တဲ့နှစ်တွေမှာ မန်စီးတီးအသင်းရဲ့ကွင်းအတွင်းကွင်းအပြင် အောင်မြင်မှုတွေမှာ အဓိကကျတဲ့သူဖြစ်တာကြောင့် ယူနိုက်တက်အသင်းကို ဒီလိုအောင်မြင်မှုတွေရရှိအောင် လုပ်ပေးနိုင်မလားဆိုတာ စောင့်ကြည့်ရမှာလည်း ဖြစ်ပါတယ်။
